काठमाडौं । सत्तारुढ गठबन्धनको बैठक सिंहदरबारमा बसिरहेको छ । स्रोतका अनुसार दिउँसो चार बजेदेखि चलिरहेको बैठकमा एमालेका नेता माधवकुमार नेपाल अनुपस्थिति छन् ।
बैठकमा प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, जनता समाजवादी पार्टी (जसपा)का अध्यक्ष उपेन्द्र यादव, राष्ट्रिय जनमोर्चाका अध्यक्ष चित्रबहादुर केसी लगायत सहभागी छन् ।
तर देउवाले नेपाल समूहलाई ८ मन्त्रालय दिने बचन दिएका छन्। नेपाल पनि केपी शर्मा ओलीले एमालेमा स्वीकार गर्न नसक्ने बताएपछि सरकारमा सहभागी हुने संकेत गरेका छन्।
गठबन्धनमा रहेका दलहरुमध्ये कसलाई कति मन्त्रालय दिने र को को मन्त्री बनाउने भन्ने भन्ने विषयमा गहनतम छलफल हुने सक्ने सम्भावना रहेको छ । सत्ता पक्षीय गठबन्धनमा सहभागी राष्ट्रिय जनमोर्चा देउवा सरकारमा सहभागी नहुने उक्त पार्टीले निर्णय गरिसकेको छ ।
जनता समाजवादी पार्टीको उपेन्द्र यादव पक्षले पनि आजसम्म सरकारमा सहभागी हुने मन्त्रीहरुको नाम पठाइसकेको छैन भने एमालेको ओली समूहसँग असन्तुष्ट माधव नेपाल समूहले देउवा सरकारलाई विश्वासको मत दिने आश्वाशन देउवालाई दिई सकेकोले उक्त समूहका नेताहरु पनि देउबा नेतृत्वको सरकारमा सहभागी हुन सक्ने आंकलन गर्न सकिन्छ ।
