काठमाडौं । प्रधानमन्त्री शेरबहादुर देउवा अहिलेसम्म पाँच पटक प्रधानमन्त्री भएका छन् । उनी अधिकतम १९ महिना र न्यूनतम ८ महिना प्रधानमन्त्री भएका छन् । यो पटक गरी उनी पाचौं पटक प्रधानमन्त्री भएका छन् । उनी जटिल राजनीतिक परिस्थितिबीच प्रधानमन्त्री बनेकाले कति दिन वा महिना प्रधानमन्त्री हुने हुन् प्रतिक्षाको विषय छ ।
देउवा पहिलोपटक २०५२ सालमा प्रधानमन्त्री भए । उनी पहिलोपटक १६ महिनाका लागि प्रधानमन्त्री नियुक्त भएका थिए ।
दोस्रोपटक २०५८ सालमा प्रधानमन्त्री नियुक्त भए । १५ महिना प्रधानमन्त्री भएपछि उनलाई २०५९ असोज १८ मा तत्कालीन राजा ज्ञानेन्द्र शाहले प्रधानमन्त्रीबाट हटाएका थिए । त्यसपछि तत्कालीन राजा ज्ञानेन्द्रले सत्ता हातमा लिएका थिए ।
तत्कालीन राजा ज्ञानेन्द्रले नै देउवालाई २०६१ सालमा प्रधानमन्त्री नियुक्त गरेका थिए । तर, ९ महिनामै २०६१ साल माघ १९ गते फेरि बर्खास्त गरेका थिए । त्यसपछि तत्कालीन राजा ज्ञानेन्द्रले प्रत्यक्ष शासन गरेका थिए ।
देउवा २०७४ सालमा चौंथो पटक प्रधानमन्त्री बनेका थिए । तेस्रो पटक प्रधानमन्त्री बनेको १३ वर्षपछि देउवा प्रधानमन्त्री बनेका थिए । ९ महिना प्रधानमन्त्री बनेका देउवाले २०७४ सालको आम निर्वाचन गराएका थिए ।
देउवा पाचौं पटक प्रधानमन्त्री बनेका छन् । २९ असार २०७८ मा प्रधानमन्त्री बनेका देउवालाई सर्वोच्च अदालतले नियुक्तिको आदेश दिएको हो । अब उनले ३० दिनभित्र विश्वासको मत लिनुपर्नेछ । विश्वासको मत लिएमा देउवा १७ महिना प्रधानमन्त्री बनेर आमचुनाव गराउने अवसर पाउनेछन् । यसो भएमा उनी पाचौंपटकमा सबैभन्दा लामो समय प्रधानमन्त्री बन्ने रेकर्ड राख्नेछन् । अन्यथा घटना यसरी विकास हुनेछ कि उनी यो पटक अहिलेसम्म प्रधानमन्त्री बनेको समयमा सबैभन्दा कम समय हुनेछ ।
“” २०५२ सालमा पहिलोपटकः १६ महिना
२०५८ सालमा दोस्रोपटकः १५ महिना
२०६१ सालमा तेस्रोपटकः ९ महिना
२०७४ सालमा चौंथोपटकः ९ महिना
२०७८ सालमा पाचौंपटकः २९ असार बाट निरन्तर “”
