काठमाण्डौ । नेकपा एमालेलाई पार्टी एकता गरी एक ढिक्का बनाउनका लागि प्रधानमन्त्री एबं नेकपा एमालेका अध्यक्ष के.पी.शर्मा ओलीले कार्यदल ब्युताउनु भएको छ ।
फुटको सङ्घारमै पुगेको एमालेलाई एकढिक्का बनाउने प्रयासका लागि यसअघि गठित कार्यदल बिउँतिएपछि कार्यदलको बैठक सोमवार सिंहदरबारमा बसेको थियो भने विवाद समाधान गर्न गठित दश सदस्यीय कार्यदलको बैठक आज फेरि बस्ने गरी सकिएको छ ।
अध्यक्ष ओलीका तर्फबाट सुवासचन्द्र नेम्वाङ, विष्णु पौडेल, शङ्कर पोखरेल र प्रदीप ज्ञवाली तथा नेता माधवकुमार नेपालका तर्फबाट भीम रावल, घनश्याम भुसाल, सुरेन्द्र पाण्डे र गोकर्ण विष्ट सदस्य रहेको कार्यदल बिउँताइएको हो ।
हस्ताक्षर फिर्ता नगरेको भन्दै कारबाहीको आशङ्का बढिरहेका बेला अध्यक्ष ओलीले कार्यदल बिउँताएर सहमतिको प्रयास थाल्नुभएको हो ।
