काठमाडौं । पूर्वाधार विकास मन्त्री माननीय सुनिल लम्साल, माननीय प्रमिला कुलु तथा सचिवालय प्रमुख सुरेश मास्केसहितको टोलीबीच सिन्धुपाल्चोक क्षेत्र नं. २ अन्तर्गतका स्थानीय तहहरूको समग्र विकास तथा बजेटसम्बन्धी विषयमा फलदायी छलफल भएको छ।
छलफलका क्रममा चौतारा साँगाचोकगढी नगरपालिका, मेलम्ची नगरपालिका, इन्द्रावती गाउँपालिका, पाँचपोखरी थाङपाल गाउँपालिका र हेलम्बु गाउँपालिकाका विकासका आवश्यकता तथा प्राथमिकताका विषयमा विस्तृत छलफल गरिएको थियो।
स्थानीय तहमा आवश्यक पूर्वाधार निर्माण, विकासका प्राथमिक योजना तथा जनताको प्रत्यक्ष आवश्यकतासँग जोडिएका विषयलाई आगामी बजेटमा समेट्ने सम्बन्धमा सहभागीबीच विचार आदानप्रदान भएको थियो।
क्षेत्रको समग्र विकासलाई गति दिन आवश्यक योजनाहरूलाई प्राथमिकताका साथ अघि बढाउने तथा स्थानीय तहका आवश्यकता र जनअपेक्षालाई सम्बोधन गर्ने विषयमा सकारात्मक छलफल भएको बताइएको छ।
सिन्धुपाल्चोक क्षेत्र नं. २ अन्तर्गतका स्थानीय तहमा विकास निर्माणलाई प्रभावकारी बनाउँदै जनताको आवश्यकता पूरा गर्ने गरी आगामी बजेट तथा कार्यक्रम केन्द्रित गर्ने विषयमा छलफल महत्वपूर्ण रहेको सहभागीहरूले बताएका छन्।
