काठमाडौं । राष्ट्रिय स्वतन्त्र पार्टी (रास्वपा) ले साउन २९ देखि ३१ गतेसम्म आफ्ना सांसदहरूका लागि तय गरेको प्रशिक्षण कार्यक्रम स्थगित गरेको छ।
रास्वपाले सांसदहरूको भूमिका थप प्रभावकारी बनाउने उद्देश्यले तीनदिने आवासीय प्रशिक्षण कार्यक्रम आयोजना गर्ने तयारी गरेको थियो। यसअघि कार्यक्रम ललितपुरको गोदावरीमा आयोजना गर्ने तयारी गरिएको थियो।
पार्टीले सांसदहरूलाई संसदीय गतिविधि, भूमिका तथा जिम्मेवारीका विषयमा प्रशिक्षण दिने तयारी गरेको थियो। रास्वपाले यसअघि पनि आफ्ना सांसदहरूलाई प्रशिक्षण दिइसकेको जनाएको थियो।
कार्यक्रम स्थगित गर्नुको कारणबारे पार्टीले विस्तृत जानकारी सार्वजनिक गरेको छैन। प्रशिक्षण कार्यक्रम पुनः कहिले आयोजना गर्ने भन्नेबारे पनि तत्काल नयाँ मिति तय भइनसकेको जनाइएको छ।
