काभ्रेपलाञ्चोकको नमोबुद्ध नगरपालिकाले आगामी आर्थिक वर्ष २०७८/७९ का लागि रु ६५ करोड ५९ लाखको बजेट सार्वजनिक गरेको छ । नगरपालिकाको दशौँ नगरसभामा नगर प्रमुख टंकप्रसाद शर्मा तिमल्सिनाले नगरपालिकाले आगामी आर्थिक वर्षमा प्रत्येक वडामा एउटा नगर गौरवको आयोजना सञ्चालन गर्ने नीति तय गरिएको बताए ।
छोरी बुहारीलाई रोजगारी र उच्च शिक्षा
नगरसभा बैठकमा उपप्रमुख रामदेवी तामाङले चालु आर्थिक वर्षको प्रगति विवरण पेश गर्नुका साथै चालु आर्थिक वर्षमा रु ७१ करोड ५१ लाख ९९ हजार २७० बिनियोजन भएकोमा हालसम्म रु ३८ करोड ७७ लाख खर्च भएको तामाङले बताइन् ।
कोरोना भाइरस महामारीका बाबजुद अधिकांश नगरस्तरीय र वडास्तरीय योजनाहरू ढिला गरी सम्पन्न हुने चरणमा रहेको र आर्थिक वर्षको अन्त्यसम्ममा अपेक्षाकृत प्रगति हासिल हुने उनको अपेक्षा छ । बैठकमा विधायन समिति संयोजक एवं वडा नं २ का अध्यक्ष सञ्जीव ढकालले विनियोजन विधेयक २०७८, सार्वजनिक लेखा समिति संयोजक एवं वडा नं १० का अध्यक्ष रामकृष्ण अधिकारीले आर्थिक विधेयक २०७८ पेश गरेका थिए ।Ratopati.com
