खोटाङ । जिल्लाकोे दिक्तेल रुपाकोट मझुवागढी नगरपालिकाले आ.ब. २०७८ /०७९ को निती तथा कार्यक्रम निर्माण गर्ने क्रममा विषयगत कार्यालयहरुको बजेटलाई बुझ्दै नबुझी अबण्डा बजेट भनी हुँइया फिजाइएको प्रती नगर प्रमुख दिपनारायण रिजालले आपती जनाएका छन् ।
नगरपालिकाको आर्थिक बर्ष २०७८/०७९ को निती तथा कार्यक्रम निर्माणमा विषयगत कार्यालयहरुको बजेटलाइ योजनाको नाम, वजेट सञ्चालन हुने स्थान नतोकी वजेट छुट्याएको भन्दै गरिएको हल्ला,निराधार एबं हुँइया फिजाउन र बदनाम गर्न खोजिएको नगर प्रमुख रिजालको भनाई रहेको छ ।
आर्थिक वर्ष २०७८÷०७९ को नीति कार्यक्रम तथा वजेट निर्माणको क्रममा नगरप्रमुखले योजनाको नाम, वजेट सञ्चालन हुने स्थान नतोकी ४ करोड ३१ लाख वजेट छुट्याउन खोजेको भन्दै केही वडाध्यक्ष एबं कार्यपालिका सदस्यहरुको बिज्ञप्ती झुठा आरोप मात्र भएको र प्रतिपक्षको अस्वभाबिक भुमिका भएको मेयर रिजालले बताएका छन् ।
बैठकका क्रममा नगरप्रमुख पक्षका वडाध्यक्ष र असहमति जनाउने वडाध्यक्षविच भनाभन र कुर्सी तोडफोड भएको भनी निराधार एबं भ्रामक समचार सम्प्रेषण भएको प्रती पनि मेयर रिजालले गुनासो ब्यक्त गरेका छन् । ब्यक्तीगत रिसिइबी साँधेर कसैलाई खुइल्याउन प्रयास गर्नु पत्रकारीताको मर्म नभएको भन्दै असल प्रतिपक्षको भुमिका निर्बाह गर्न समेत अनुरोध गरेका छन्।
उनले एकमुष्ट वजेट भनेर बुझ्नु भएछ, एकमुष्ट वजेट हैन, विषयगत कार्यालयहरुको बजेट हो त्यो। त्यसमा अलिकति प्रष्ट पारीयोस भनेर उहाँहरुले भन्नुभएको थियो। नगरप्रमुख रिजालले भने , ‘त्यो विषयमा प्रष्ट भइसकेकाले आज गरपालिकाले आर्थिक वर्ष २०७८/०७९ का लागि ८५ करोड बढिको वजेट सार्बजनिक भइसकेको छ ।
