असिम कामु मगर
पाल्पा । रिब्दिकोट गाउँपालिकाले आगामी वर्षको लागि नीति तथा कार्यक्रम संगै ४८ करोड ३९ लाख ९४ हजार बराबरको बजेट सार्वजनिक गरेको छ । नवौं गाउँसभा मार्फत आर्थिक वर्ष २०७७र०७८ को लागि बजेट सार्वजनिक गरेको हो ।
गाउँपालिका उपाध्यक्ष लक्ष्मी खनालले गाउँसभामा नीति तथा कार्यक्रम प्रस्तुत गर्नु भएको थियो । उहाँले चालु आर्थिक वर्षमा ३४ करोड ७८ लाख ८१ हजार ४ सय ८५ मात्र बजेट प्राप्त भएको मध्ये हालसम्म २६ करोड ४५ लाख ७६ हजार ७३ रुपैया खर्च भएको बताउनुभयो । चालु तर्फ जेष्ठ मसान्तसम्ममा ५६।७७ प्रतिशत र पुँजीगत खर्च तर्फ३९६१ प्रतिशत रहेको छ ।
आगामी आर्थिक वर्ष २०७८र७९ का लागि आन्तरिक आम्दानी र राजश्व बाँडफाड घर जग्गा रजिष्ट्रेशन समेत गरी ५१ लाख ७३ हजार, जल विद्युत रोयल्टी तथा खानी रोयल्टी रु ८२ लाख ६८ हजार, हेफर प्रोजेक्ट नेपालबाट सहयोग रु १५ लाख र २०७७र०७८ को बचत हुने अनुमानित रकम २ करोड ८२ लाख २७ हजार ५ सय ८७ रुपैँया समेत गरी संघीय सरकार ,प्रदेश सरकार र राजश्व वाडफाड समेतको कुल जम्मा ४८ करोड ३९ लाख ९४ हजार बराबरको बजेट रहेको छ ।
गाउँसभाको चालु अधिवेशनले बजेट तथा नीति कार्यक्रम पास गर्नेछ । विकासको मेरुदण्ड सडक भएकाले सडक नपुगेका ठाउँमा सडक विस्तार,स्तरउन्नती तथा कालोपत्रे गर्ने,पुलहरुको निमार्ण गर्ने, कृषि, तथा पशुपालनलाई आधुनिकिकरण गर्ने नीति लिइएको गाउँपालिका अध्यक्ष नारायण बहादुर जिसीले जानकारी दिए।
खानेपानी समस्या समाधानको लागि एक घर एक धाराको निर्माण र व्यवस्थापन गर्ने उनले जानकारी दिए । यस्तै सिंचाई, कृषि तथा पशुपालन, कोरोना रोकथाम, कोरोनाको खोप खरिद गर्ने,कृषि तथा पशुपालनलाई व्यवस्थित गरिने,अभिलेखिकरण लगायतका काम गर्ने समेत योजना रहेको अध्यक्ष जिसीले जानकारी दिए ।
