काठमाडौं । उत्पीडितहरुकाे नेततृत्वमा गठित संयुक्त नागरिक पार्टी निर्वाचन आयोगमा दर्ता भएकाे छ । गत माघ ०७ गते काठमाडौंमा दलमर्दन कामीकाे अध्यक्षतामा गठित संयुक्त नागरिक पार्टी आज दर्ता भएकाे हाे ।
२००३ सालबाट शुरु भएकाे नेपालकाे दलित आन्दोलन, वि.स.२००३ सालमा स्थापित नेपाली राष्ट्रिय काँग्रेस तथा २००४ सालमा बनेकाे नेपाल प्रजातन्त्र काँग्रेस यी दुईकाे एकतापछि वि.स. २००५ मा बनेकाे नेपाली काँग्रेस,२००६ मा स्थापित नेपाल कम्युनिस्ट पार्टी,२०५२ साल फागुन १ गतेबाट शसस्त्र संघर्ष शुरुवात गरि स्थापित भएकाे नेपाल कम्युनिस्ट पार्टी (माओवादी) अहिलेको (माओवादी केन्द्र) र २०७९ मा स्थापित राष्ट्रिय स्वतन्त्र पार्टी सम्मका सबै राजनीतिक दलहरु एकल जाति,एकल धार्मिक पार्टीकाे रुपमा अघि बढेका र यी पार्टीहरुले मूलुकका जातीय,भाषिक,धार्मिक,साँस्कृतिक,भाैगाेलिक, विविधतालाई सम्वाेधन गर्न नचाहेका र नसकेका कारण त्यीनकाे क्रमभङ्गता गर्दै अब नयाँ विचारधारा ” सर्वजातीय सामाजिक लाेकतन्त्र ” लाई आत्मसात गरि जातीय जनसंख्याका आधारमा पूर्णसमानुपातिक प्रणाली, जनताबाट प्रत्यक्ष नर्वाचित कार्यकारी प्रधानमन्त्री तथा कलष्टरमा आधारित र चक्रियक्रम प्रणालीद्वारा राष्ट्राध्यक्ष निर्वाचित गर्ने,ब्यक्ति र राज्य दुबैकाे स्वामित्व रहने,प्रतिशील कर प्रणालीमा आधारित अर्थनीति सहितकाे प्रणाली स्थापना गर्ने लक्ष्यका साथ नेपाली राजनीतिक वृतमा नयाँ दलकाे उदय भएकाे साे पार्टीका अध्यक्ष दलमर्दन कामीले बताए ।
निर्वाचन आयोगमा दल दर्ताका लागि अध्यक्ष दलमर्दन कामी,उपाध्यक्ष ईन्द्रबहादुर राई,महासचिव विदुर अधिकारी,उपमहासचिव नरेश विश्वकर्मा,सचिव द्वय शशीकुमार विश्वकर्मा तथा शुभराज प्रजा,मिलन कार्की,निमा शेर्पा लगायत नेता तथा कार्यकर्ताहरु उपस्थित भएका थिए ।
