विनोद मण्डल । सिरहाको लहान नगरपालिका वडा नं ४ रामजानकी मन्दिर प्राङ्गणमा जनता समाज बादी पार्टीको सुज अभियान कार्यक्रम सम्पन्न भएको छ ।
वडा अध्यक्ष राम नाथ पण्डितको अध्यक्षतामा आयोजित कार्यक्रममा प्रमुख अतिथि रामकुमार गुप्ता विशिष्ट अथिती रामचलितर महतो , जितेन्द्र महतो , अथिथीहरू रिता यादब ,सत्रुघन मंडल ,राजेश गुप्ता , अशोक स्वर्नकार , दिनेश महतो लगाएको उपस्थितिमा सम्पन्न भएको कार्यक्रममा स्वागत मन्तव्य सुर्य नारायन यादवले राख्नु भएको थियो ।
कार्यक्रममा बोल्दै रामकुमार गुप्ताले तत्कालीन अवस्था मा जनअधिकार फोरमका नामले चिनिएका संघठन अहिले जसपा भएको छ जसले आफ्नो बलिदानी यात्रा तय गरेर लोकतन्त्र स्थापनाको आन्दोलनमा गरेको योगदान र मधेशको मुद्दालाई स्थापित गराउनमा खेलेको भूमिकालाई जनताले बिर्सन नहुने बताएका छन् भने जसापा पार्टी मधेशको हक अधिकार सुनिश्चित गराउन निरन्तर लागिरहेकोले जनता समाज बादी पार्टीको सुज अभियानलाई अगाडी बढाएको बताउनु भएको छ ।
कार्यक्रममा बोल्दै वडा अध्यक्ष राम नाथ पण्डितले मेयर मुनि शाह ताना शाह भएको गुनासो गर्नु भएको छ भने अधिकांश वक्ताहरुले लहान नगरपालिका भित्र भइरहेको विकास निर्माण र ओझेलमा परेको विकासको चर्को आलोचना गरेका थिए । मेयर मुनि शाहको एकल निर्णयको कारण स्थानिय जनता यतिबेला सास्ती भोग्न विवस भएको वर्तमान समयमा अबको नेतृत्व जसपाको हातमा आउनुपर्ने बताएका थिए ।
कार्यक्रममा करिब ३०० सयको हाराहारीमा स्थानिय , जिल्ला , प्रदेशका नेता तथा कार्यकर्ताको सहभागिता सम्पन्न भएको कार्यक्रममा छाता अंकित गम्छा सहभागी सबैलाई वितरण गरिएको थियो भने मञ्चमा आसन ग्रहण गरेका नेताहरुले गम्छा जनतालाई मात्र भनी आफूहरु नलिएको बताएका छन् । कार्यक्रममा मधेश शहीदको पिता लक्ष्मी सहनी समेत उपस्थित भएर जसपालाई साथ दिएका थिए ।
