महेन्द्रनगर ,कञ्चनपुरका ९ ओटै स्थानीय तह मध्ये नेकपा एमालेको तीन स्थानीय तहमा नगर अधिवेशन सम्पन्न भएको छ ।सोमबार दिउँसो ९ ओटै स्थानीय तहमा उद्वघाटित नगर अधिबेशनमा बेलौरी, शुक्लाफाटा नगरपालिका र लालझाडी गाउँपालिकामा मात्रै नगर नेतृत्व चयन भएको हो ।
मङ्गलवार बेलुका सम्म बाकी ६ स्थानीय तहमा नयाँ नगर नेतृत्व चयन हुने एमाले कंचनपुरले जनाएको छ ।“हिजो उद्घाटन र बन्दसत्र लम्बिएको कारण प्राय स्थानीय तहमा नेतृत्व चयन हुन सकेन” एमाले कंचनपुरका सचिब सुरेन्द्र बिष्टले अभियानसङ्ग भने ” आज कंचनपुरका सवै तहले नयाँ नेतृत्व पाउछन् ।”
कतिपय स्थानमा निर्वाचन प्रक्रिया ढिला शुरु भएको र उम्मेदवारी दर्ता गर्न समयको अभाव भएको सचिब बिष्टले बताए ।बेलौरीमा पनि लामो छ्लफल पछि मध्यरातमा नगर समितिमा चयन भएको हो । त्यहा बाबुराम न्यौपानेको अध्यक्षतामा सर्वसम्मत नगर कमिटी गठन गरिएको छ ।
सहमतिका आधारमा गठन गरिएको नगर कमिटीको उपाध्यक्षमा महेश्वरी खत्री, सचिवमा लोकेन्द्र जोशी तथा उपसचिवमा शिवराज राना र हस्त बहादुर विक निर्विरोध चयन भएका छन् ।
बेलौरी नगरपालिकामा ५ पदाधिकारी सहित ७५ सदस्यीय नगर कमिटी गठन गरिएको प्रमुख निर्वाचन अधिकृत वेद प्रसाद उपाध्यायले बताए ।केन्द्रीय लेखा आयोगका सदस्य ईश्वरी प्रसाद खरेलको प्रमुख आतिथ्यमा सोमबार मध्यान्हबाट सुरु गरिएको प्रथम नगर अधिवेशनको बन्दसत्र मध्यरातसम्म चलेको थियो ।
गहन छलफल गरी सहमतिका आधारमा नगर कमिटीको टुङ्गो लगाइएको नेकपा एमाले बेलौरीले जनाएको छ भने यसैगरी शुक्लाफाटा नगरपालिकामा भक्तराज जोशीको अध्यक्षतामा ७१ सदस्यीय नगर कमिटी चयन भएको छ ।
उपाध्यक्षमा काशि सिह महरा, सचिवमा देब दत्त भट्ट
उप सचिवमा मोनिका भट्ट र उत्तर देब भट्ट सर्वसम्मत चयन भएका छन् ।
त्यस्तै सोमबार एमाले लालझाँडी गाँउपालिकामा ओम प्रकास रानाको नेतृत्वमा ७५ सदस्यस्यी गाँउ कमिटि विस्तार भएको छ ।उपाध्यक्ष रञ्जिता राना , सचिव निर्मल राना, उप सचिवमा गोकर्ण सिह धामी र राम सुन्दर राना रहेका छन । निर्वाचित कमिटलाई नेकपा एमाले अध्यक्ष बीर बहादुर थापाले बधाई तथा शुभकामना दिएका छन ।कंचनपुरमा भीमदत्त, बेदकोट, कृष्णपुर,दोधाराचादनी, पुनर्वास,बेलौरीगरी ७ नगरपालिका र लालझाडी, बेलडाडी गरी २ गाउँपालिका छ ।
