काठमाडौं, २४ वैशाख ।
वाणिज्य, आपूर्ति तथा उपभोक्ता हित संरक्षण विभागले काठमाडौँ उपत्यकाका विभिन्न ठूला अस्पतालको अनुगमन गरेको छ । विभागले बिहीबार औषधि व्यवस्था विभाग, जिल्ला प्रशासन कार्यालय काठमाडौँ र नेपाल प्रहरीको सहयोगमा उपत्यकाका सात ठूला अस्पतालकोे अनुगमन गरेको हो ।
उपलब्ध सेवा, शुल्कसमेतका बारेमा केन्द्रित भई अस्पतालको अनुगमन गरिएको विभागका प्रवक्ता शिवराज सेढाईंले जानकारी दिए । उनका अनुसार बिहीबार मीनभवनमा रहेको सिभिल अस्पताल, चावहिलमा रहेको ओम अस्पताल र मेडिकेयर, सिनामङ्गलमा रहेको काठमाडौँ मेडिकल कलेज (केएमसी), सुकेधारामा रहेको ह्याम्स, टोखामा रहेको ग्रान्डी र मेट्रो अस्पतालमा अनुगमन गरिएको हो ।
अनुगमनका क्रममा आयातकर्ताबाट उक्त अस्पतालहरुलाई उपलब्ध गराइएको रेम्डेसिभिर औषधि पर्याप्त नभएको पाइएको प्रवक्ता सेढाईंले जानकारी दिए ।
सात ठूला अस्पतालले अस्पतालमा उपचाररत बिरामीका लागि प्रयोग गरेको औषधिको अधिक मूल्य रु पाँच हजार एक सय लिएको नपाइएको जनाइएको छ । रेम्डेसिभिर औषधिको न्यून उपलब्धता, वितरण प्रद्धति प्रभावकारी नहुँदा एक अस्पतालमा सञ्चित हुँदा अर्को अस्पतालमा अभाव देखिएको निष्कर्ष निकालिएको थियो ।
विभागले सानालाई ऐन ठूलालाई चैन भनेजस्तै एक फार्मेसीलाई मात्रै कारबाही गरेर ठूला अस्पताललाई सामान्य निर्देशन मात्रै दिएको पाइएको छ । सिभिल अस्पताल, केएमसी अस्पताल, ह्याम्स अस्पताल, मेट्रोसिटि अस्पताल, ग्राण्डी अस्पताल, ओम अस्पताल र मेडिकियर अस्प्ताललाई कोरोना रोकथाम नियन्त्रण गर्नकालागि नेपाल सरकराले जारी गरेको मापदण्ड पूर्ण पालना गरी सेवा संचालन गर्न निर्देशन दिएको छ । तर, डी फार्मेसी गोपनी फार्मेसीलाई भने ५ हजार जरिवाना गरिएको छ ।
ह्याम्स अस्तपाल, मेडिसिटी अस्पताल, केएमसी अस्पताल र ग्राण्डी अस्पतालले चर्को शुल्क लिएको भएपनि विभागले कुनै कारबाही गरेको छैन ।
