बैशाख २३, रुपन्देही ।
रुपन्देहीको तिलोत्तमा नगरपालिका का मेयर तथा उपमेयर चढ्ने गरेको गाडीलाई एम्बुलेन्सको रुपमा प्रयोग गर्ने निर्णय गरेको छ ।नगरपालिकाभित्र कोरोना संक्रमितको संख्या बढ्दै गएपछि उपचारको लागि अस्पताल लैजान एम्बुलेन्सको अभाव हुन थालेको छ ।एम्बुलेन्सको अभाव हुन नदिनका लागि मेयर बासुदेव घिमिरेले चढ्ने लु १ झ ३६० नम्बरको रउपमेयर जगेश्वरीदेवी चौधरीले चढ्ने लु १ झ ३२६ नम्बरको स्कार्पियो गाडीलाई एम्बुलेन्सको रुपमा प्रयोग गर्ने निर्णय गरिएको हो ।
मेयर घिमिरेले नागरिकहरु एम्बुलेन्स नपाएर घरमै छटपटाइरहँदा करबाटकिनिएको सरकारी गाडी चढेर हिँड्न हामीलाई नैतिकताले नदिने बताए ।उनले भने, “गाडीमा सिट र अक्सिजन सिलिण्डर व्यवस्थापन भएको छ, आजैदेखि सेवा सुरु हुन्छ ।”
नगरपालिकाले यसअघि वडा नम्बर १ शंकरनगर बनबाटिकामा रहेकोस्वास्थ्य चौकीलाई अन्यत्र व्यवस्थापन गरेर अक्सिजन सहितको आइसोलेसन अस्पतालको रुपमा सञ्चालनमा ल्याइसकेको छ ।मेयर घिमिरेले अहिले ४० बेडको आइसोलेसन सञ्चालनमा ल्याएको रसभाहलमा थप ६० वटा बेडको आइसोलनसन सञ्चालनमा ल्याउन काम सुरु भएको जानकारी गराए ।रुपन्देहीमा तिलोत्तमा नगरपालिका बुटवल उपमहानगरपछि सबैभन्दा धेरै मानिस कोरोना संक्रमित बनेका छन् ।
