नेपाल र भारतबीच दशरथ रङ्गशालामा बिहीवार र आइतवार दुई मैत्रीपूर्ण फुटबल खेल भए।
मैत्रीपूर्ण फुटबलको उद्देश्य थियो अर्को महिना माल्दिभ्समा हुने साफ च्याम्पियनशिपको तयारी। अर्थात् दुवै टोलीले माले पुग्नुअगाडि आफ्नो टोलीमा देखिएका कमीकमजोरी सुधार्ने प्रयास।
तर मैदानमा देखिएका घम्साघम्सीका दृश्यहरूले भने ती खेललाई मैत्रीपूर्ण वा अभ्यास खेल भनिरहेका थिएनन्।
मैदानको प्रतिस्पर्धा यस्तो थियो कि मानौँ यी दुई टोली कुनै ठूलो प्रतियोगिताको उपाधि हात पार्न भिडिरहेका छन्।
मैदानभित्र खेलाडीको जोस जस्तो थियो, बक्समा खेल पदाधिकारीहरूको अवस्था पनि उस्तै तनावपूर्ण थियो।
मैदानमा उपस्थित दर्शकहरूको हुटिङ त भन्नै परेन। “नेपाल, नेपाल…” को निरन्तर नारा र आफ्नो खेलाडीको समर्थन त छँदैछ, विपक्षीलाई हुटिङ पनि उत्तिकै थियो।
दोस्रो खेल हेर्न पूर्वप्रधानमन्त्री केपी ओली र वर्तमान गृहमन्त्री बालकृष्ण खाँड पनि खेल हेर्न पुगेका थिए।
ब्रजिल र आर्जेन्टिनाबीचको विश्वकप छनोट खेल सुरु भएको पाँच मिनेटपछि स्थगित
रोनाल्डो बने सबैभन्दा बढी अन्तर्राष्ट्रिय गोल गर्ने फुटबल खेलाडी
खेल सम्हाल्न रेफ्री प्रज्वल क्षेत्रीलाई हम्मेहम्मे नै पर्यो। उनले खेलमा चार पहेँलो कार्ड देखाए।
उनले नेपाली प्रशिक्षक अब्दुल्ला अल्मुटाइरीलाई चेतावनी दिनुपर्यो र भारतीय प्रशिक्षक इगोर स्टिमाक त पहेँलो कार्ड नै दिए।
तनावको त्यो माहौलमा २ -१ ले भारतको पक्षमा सकिएको खेललगत्तै पोस्ट-म्याच प्रेस कन्फ्रेन्समा भारतीय प्रशिक्षक स्टिमाकले भने, “खासमा यो मैत्रीपूर्ण खेल हो। तर मैत्रीपूर्णभन्दा धेरै बढी देखियो।”
सधैँ प्रतिस्पर्धा
भारतका क्रोएशियाली प्रशिक्षक स्टिमाकले नेपाल र भारत बीचको फुटबल प्रतिद्वन्द्विताको इतिहास बुझे कि बुझेनन्, तर पहिलो खेलमा नेपालसँग १-१ को बराबरीमा रोकिएपछि उनी भारतमा आलोचित भइसकेका थिए।
भारतीय प्रशिक्षकलाई पहेँलो कार्ड
पछिल्लो समय भारतलाई राम्रो नतिजा दिन नसकिरहेका उनी खास गरी नेपाललाई पनि जित्न नसकेको भन्दै भारतीय मिडियाको तारो बने।
मैदानमा नेपाल र भारत भिड्दा यो खेल सामान्य स्तरभन्दा माथि उठ्छ।
राष्ट्रिय टोलीका पूर्वरक्षक राकेश श्रेष्ठ भन्छन्, “भारतसँग खेल्दा अर्कै जोस हुन्छ। किनकि भारतलाई जित्नु भनेको दक्षिण एशियामा च्याम्पियन बने जस्तै ‘फीलिङ’ आउने हो। त्यसैले ज्यान दिएर खेल्छौँ।”
इतिहास र नतिजाले पनि त्यही भनेको छ।
नेपाल र भारत बीचको फुटबल प्रतिस्पर्धा झन्डै चार दशक पुग्न लागिसक्यो।
नेपाल र भारतको तुलना
भारतलाई दक्षिण एशियाली फुटबलको “पावरहाउस” मानिन्छ। फुटबलको हरेक क्षेत्रमा भारत नेपालभन्दा उत्कृष्ट टोली हो।
राज्यले गर्ने लगानी, फुटबल पूर्वाधारको र नतिजाको हिसाबमा पनि भारतको लक्ष्य दक्षिण एशियाबाट माथिल्लो स्तरमा पुगेको देखिन्छ।
भारतको इन्डियन सुपर लीग आईएसएल विश्वकै महँगो घरेलु प्रतिस्पर्धाहरूमा गनिन थालिसकेको छ।
मेस्सीको नेतृत्वमा अर्जेन्टिनालाई कोपा उपाधि
लियोनेल मेस्सी अब बार्सिलोना क्लबमा नरहने
नेपाल साफ च्याम्पियनशिपको सेमिफाइनलभन्दा माथि उक्लिन सकेको छैन भने भारतले त्यो उपाधि सात पटक उचालिसकेको छ।
नेपाल र भारतबीच भएको फुटबल खेल
