बुटवल, २० वैशाख । लुम्बिनी प्रदेशका प्रहरी प्रमुख डीआईजी रवीन्द्र धानुक धानुकमाथि महिलाको संवेदनशील अंगमा हातपात गरेको आरोप लागेको छ ।
डीआईजी धानुकले सोमबार महिला सांसदहरुका संवेदनशील अंगमा हातपात गरेको भन्दै आज एक बिज्ञप्ति जारी गर्दै कारवाहीको लागि माग गरेका हुन् ।
आइतबार लुम्बिनी प्रदेशका मुख्यमन्त्री शंकर पोखरेल अल्पमतमा रहेको बेला उनको सपथ रोक्न माग गर्दै प्रदेश प्रमुखको कार्यालयमा धर्नामा गएका महिलालाई धानुक सहितको प्रहरीले महिला सांसद माथि हातपात गरेको खुलेको थियो ।
उनीहरुका अनुसार ७ जना महिला सांसदलाई डिआजी धानुकले बल प्रयोग गरी दुव्र्यवहार गरेका थिए । उनले मुख्यमन्त्री पोखरेलको निर्देशनमा त्यसरी बल प्रयोग गरेको र बल प्रयोग गर्दा महिला सांसदमाथि दुव्र्यवहार भएको आरोप लागेको छ ।
डीआईजी धानुकको नेतृत्वमा महिला सांसद निर्मला क्षेत्री, फूलमति ढेंगा, लौटी थारु, सुस्मा यादव, पुष्पा थरुनी, गीता थापामाथि हातपात भएको नेपाली कांग्रेस सचेतक निर्मला क्षेत्रीको आरोप छ ।
क्षेत्रीले धानुकमाथि कपाल समातेर आफूलाई टिपेर फालेको आरोप लगाएकी छिन् ।
