काठमाण्डौ । सर्बोच्च अदालतको परमादेश पछी नियुक्त प्रधानमन्त्री शेरबहादुर देउवालाई एमालेका २२ जनाले विश्वासको मतदान गरी ११ जना उनुपश्थित भएर पार्टीकाे ह्वीप उल्लंङन गरेपछी एमाले भित्रको संकट झनै चुलिएकाे छ ।
पार्टीले विश्वासको मतको विपक्षमा उभिन ह्वीप जारी गरे पनि एमालेका ३३ जना सांसदले त्यसको उल्लङ्घन गरेका छन् । एमालेका २२ जना सांसदले देउवाको पक्षमा मतदान गरे भने ११ जना अनुपस्थित भए ।
माधव नेपाल समूहका १४ र ओली समूहका ८ जनाले देउवालाई विश्वासको मत दिएका हुन् । पार्टी एकताको पहल गरिरहेका नेपाल समूहका घनश्याम भुसाल, गोकर्ण विष्ट, सुरेन्द्र पाण्डेलगायतका नेताहरु मतदान प्रक्रियामा सहभागी भएनन् । पार्टी उपाध्यक्ष भीम रावलले भने सांसद पदबाट राजीनामा दिनुभएको छ ।
एमालेको हिजोको स्थायी कमिटी बैठकले प्रधानमन्त्री देउवाको पक्षमा मतदान गर्ने सांसदहरु पार्टीमा नरहने निर्णय गरेको थियो । तर स्थायी बैठकको निर्णय र निर्देशन विपरीत संस्थापन पक्षकै सांसदहरुले देउवाको पक्षमा मतदान गरेका छन् ।
