भक्तपुर । नेपाली कांग्रेसको १५औँ महाधिवेशनअन्तर्गत भक्तपुर क्षेत्र नं. १ बाट आदिवासी जनजाति (महिला) तर्फ महाधिवेशन प्रतिनिधि पदमा माननीय डा. गंगा लक्ष्मी अवालले उम्मेदवारी घोषणा गर्नुभएको छ।
डा. अवाल गत फागुन २१ गते सम्पन्न प्रतिनिधिसभा निर्वाचनमा भक्तपुर क्षेत्र नं. १ बाट नेपाली कांग्रेसका तर्फबाट समानुपातिक सांसदसमेत रहनुभएको थियो।
पार्टी संगठनलाई थप सुदृढ, समावेशी र प्रभावकारी बनाउने उद्देश्यसहित महाधिवेशन प्रतिनिधि पदमा उम्मेदवारी घोषणा गरेको उहाँले बताउनुभएको छ। आदिवासी जनजाति समुदाय तथा महिलाको प्रतिनिधित्वलाई पार्टीभित्र थप प्रभावकारी बनाउँदै संगठनलाई गतिशील बनाउन आफ्नो भूमिका रहने उहाँको भनाइ छ।
उहाँले नेपाली कांग्रेसको नीति, विचार र संगठनलाई बलियो बनाउन निरन्तर सक्रिय रहने प्रतिबद्धतासहित क्षेत्रीय प्रतिनिधिहरूसँग आफ्नो उम्मेदवारीका पक्षमा समर्थन र मतका लागि आग्रह गर्नुभएको छ।
भक्तपुर क्षेत्र नं. १ मा नेपाली कांग्रेसको १५औँ महाधिवेशनका लागि विभिन्न क्लस्टर तथा खुलातर्फ उम्मेदवारी घोषणा हुने क्रम जारी छ।
