भक्तपुर । नेपाली कांग्रेसको १५औँ महाधिवेशनअन्तर्गत प्रदेश १ (ख) प्रदेश सभा क्षेत्रीय कार्यसमिति सभापति पदमा शिवप्रसाद अवालले उम्मेदवारी घोषणा गर्नुभएको छ।
अवालले संगठनलाई थप सुदृढ, एकताबद्ध र गतिशील बनाउने प्रतिबद्धतासहित आफ्नो उम्मेदवारी प्रस्तुत गर्नुभएको हो। उहाँले आफ्नो नेतृत्वमा रहेको सम्पूर्ण टिमलाई विजयी गराउन प्रदेश १ (ख) का क्षेत्रीय प्रतिनिधिहरूसमक्ष अपिल गर्नुभएको छ।
उहाँले पार्टी संगठनलाई प्रभावकारी रूपमा अघि बढाउन क्षेत्रीय प्रतिनिधिहरूको साथ, सहयोग, विश्वास र अमूल्य मत आवश्यक रहेको बताउनुभएको छ।
“संगठनलाई अझ सुदृढ, एकताबद्ध र गतिशील बनाउन तपाईंहरूको अमूल्य मत, साथ, सहयोग र विश्वासको अपेक्षा गर्दछु,” अवालले अपिलमा भन्नुभएको छ।
अवालले आफू लगायत आफ्नो सम्पूर्ण टिमलाई अत्यधिक मत प्रदान गरी विजयी गराउने विश्वाससमेत व्यक्त गर्नुभएको छ। आगामी महाधिवेशनले प्रदेश तहको नेतृत्व चयन गर्ने भएकाले प्रदेश १ (ख) मा सभापति पदको उम्मेदवारीसँगै स्थानीय कांग्रेसभित्रको चुनावी गतिविधि थप सक्रिय बनेको छ।
