काठमाडौं । राष्ट्रिय स्वतन्त्र पार्टी (रास्वपा) काठमाडौं क्षेत्र नं. १० ले प्रतिनिधिसभा सदस्य प्रदीप बिष्टको प्रमुख आतिथ्यमा बधाई, शुभकामना तथा परिचयात्मक कार्यक्रम सम्पन्न गरेको छ।
निर्वाचन क्षेत्रीय समिति काठमाडौं क्षेत्र नं. १० को आयोजनामा कीर्तिपुर नगरपालिका–५ स्थित केएनएस किचेन एण्ड बैंक्वेटमा आयोजित कार्यक्रममा सांसद बिष्टलाई बधाई तथा शुभकामना व्यक्त गर्नुका साथै क्षेत्रका नेता–कार्यकर्ता, शुभेच्छुक तथा स्थानीय नागरिकबीच परिचयात्मक अन्तरक्रिया गरिएको थियो।
कार्यक्रमलाई सम्बोधन गर्दै सांसद बिष्टले जनताले दिएको जिम्मेवारीलाई इमानदारीपूर्वक निर्वाह गर्दै सुशासन, पारदर्शिता र जनमुखी विकासलाई प्राथमिकताका साथ अघि बढाउने प्रतिबद्धता व्यक्त गरे। उनले पार्टी संगठनलाई थप सुदृढ बनाउँदै जनताका समस्या र अपेक्षालाई प्रत्यक्ष रूपमा सम्बोधन गर्ने गरी काम गर्नुपर्ने आवश्यकता औंल्याए।
कार्यक्रममा रास्वपाका केन्द्रीय विभागका सदस्य, काठमाडौं जिल्ला समिति, नगर समिति तथा विभिन्न वडा सभापतिहरूको उल्लेखनीय सहभागिता रहेको थियो। साथै पार्टीका नेता–कार्यकर्ता, शुभेच्छुक तथा स्थानीय नागरिकको समेत उत्साहजनक उपस्थिति रहेको आयोजकले जनाएको छ।
आयोजकका अनुसार कार्यक्रमले संगठनभित्र आपसी समन्वय, एकता र परिचय विस्तार गर्न महत्वपूर्ण योगदान पुर्याएको छ। रास्वपाले आगामी दिनमा पनि जनतासँग प्रत्यक्ष संवाद र संगठन सुदृढीकरणका यस्ता कार्यक्रमलाई निरन्तरता दिने जनाएको छ।
