हिमांशु राय,बेलबारी-मोरङ । मोरङको बेलबारी नगरपालिका मा नेपाल कम्युनिष्ट पार्टी (नेकपा) का नेता तथा कार्यकर्ताहरुले पार्टी छोडेर श्रम संस्कृति पार्टीलाई रोजेकाछन।
पार्टीको संगठनात्मक ढाँचा र कार्यशैली बाट बितृष्णा भए पछि सामुहिक रुपमा पार्टी छोडिएको बताएका छन्। राजनीतिक दास मनोवृत्ति,गुटबन्दी र एकाधिकारबादी कार्यशैली,बाट आजित र असन्तुष्ट बनेका कार्यकर्ताहरुले पार्टी सुदृढिकरणको लागि पहल गरि नेतृत्वलाई पटक पटक खवरदारी गर्दा सम्म पनि कार्यकर्ताहरुको कुनै कुरा सुनुवाई नभई बरु उल्टै कार्यकर्ताहरुलाई नै बाईपास र बहिस्कार गर्ने परिपाटी हैकमवादी शैली चरमउत्कर्षमा पुगेकोले यस्तो निरंकुश शैलीप्रति कडा कटाक्ष गर्दै उनिहरुले सामुहिक रुपमा वर्तमान हर्क साम्पाङको नेतृत्व को श्रम संस्कृति पार्टीमा प्रवेश गर्ने निर्णय सार्वजनिक गरेका हुन् ।
विज्ञप्तिमा भनिए अनुसार पार्टी परित्याग गर्नेहरूमा केन्द्रीय सदस्य, प्रदेश सदस्य, जिल्ला सदस्य, नगर सदस्य, वडा सदस्य तथा सङ्गठित सदस्यहरू रहेका छन् । उनीहरूले आफूहरू आजको मितिदेखि नेकपासँग कुनै सम्न्धमा नरहने सम्पूर्ण सदस्यता अनि राजनैतिक सम्बन्ध समाप्त भएको विज्ञप्तिमा उल्लेख गरेका छन् ।
विज्ञप्तिमा पार्टी परित्याग गर्ने नेताहरूले आफूहरूमध्ये अधिकांश विगतको नगर अधिवेशनबाट लोकतान्त्रिक प्रक्रियामार्फत निर्वाचित भएको तर पार्टी एकीकरणपछि समायोजनका नाममा कुनै छलफल, संवाद वा जानकारीबिना निर्वाचित जिम्मेवारीबाट एक्कासी हटाइएको प्रती घोर आपत्ति जनाउदै आरोप लगाएका छन् ।
पार्टीको नीति नियम विधि,पद्धति र सिद्धान्तलाई समेत नेतृत्वले लत्याएर लोकतन्त्रकै उपहास गरेको र यसले समस्त कार्यकर्ताहरु ठुलो पीडा हिनता महशुष भएको उनिहरुको स्पष्टयोक्ती छ।
आज मोरङको बेलबारी नगरपालिका वडा नम्वर-११,लक्ष्मीमार्ग स्थित श्रम संस्कृति पार्टीका केन्द्रीय अध्यक्ष माननीय हर्क साम्पाङ कार्यकर्ता भेटघाट कार्यक्रममा उपस्थिति रहेको समयमै नेपाल कम्युनिस्ट पार्टी (नेकपा) परित्याग गरि श्रम संस्कृतिमा प्रवेश गर्नेहरुमा
बेलबारी नगरपालिका का तिलकप्रसाद राई, मनकुमार गुरुङ, रामकुमार राई, सन्देश तामाङ, सन्जोग राई, शर्मिला लुंगेली मगर,खड्गबहादुर सुन्दास,दिल तामाङ लगायत केन्द्रीय, प्रदेश, नगर तथा विभिन्न तहका जिम्मेवारीमा रहेका नेताहरू को नाम विज्ञप्तिमा उल्लेख छ।
एक नेताका अनुसार अन्य बाँकी रहेकाहरु पनि ठूलो संख्यामा रहेको र उनिहरु पनि पार्टी परित्याग गरि श्रम संस्कृति पार्टीमा समाहित हुने साथै अबका बाँकी राजनीति यात्रा हर्क साम्पाङ नेतृत्वको श्रम संस्कृति पार्टी मार्फत अघि बढाउने योजना रहेको बुझिएको छ।
