बेलबारी मोरङ ,हिमांशु राय । ४४ ओै वि.पि.स्मृति दिवशको अवसरमा मोरङको बेलबारी नगरपालिका वडा नम्वर-११,लक्ष्मीमार्ग स्थित रहेको सेल्फीरोडमा नेपाली काङ्ग्रेस बेलबारी नगर कार्यसमिति द्वारा वृक्षारोपण कार्यक्रम सु सम्पन्न गरेको छ। नेपाली काङ्ग्रेस बेलबारी नगर सभापति छत्र लिम्बुको अध्यक्षतामा उक्त वृक्षारोपण कार्यक्रम सु सम्पन्न भएको हो।
महामानव वि.पि.कोईरालाले देखाउनु भएको आर्दश निष्ठा त्याग र सैद्धान्तिक मूल्य मान्यताहरुले मात्र वर्तमान मुलुकलाई लोकतान्त्रिक बाटोमा डोर्याउने भएकोले मुलुकमा दिगो शान्ति वहालीको लागि जननायक वि.पि.कोईरालाले अघि सार्नु भएको विचारहरु सान्दर्भिक बन्दै गईरहेको कुरा स्मरण गराउदै राजनीतिक परिवर्तन हिंसा वा प्रतिशोधबाट होइन तर संवाद र सहमतिबाट हुनुपर्छ भन्ने वि.पि.का महत्त्वपूर्ण विचार सिङ्गो मुलुकका लागि प्रेरणादायी रहेको काङ्ग्रेस नगर सभापति छत्र लिम्बुले सुचना चौतारीलाई बताए।
वृक्षा रोपण कार्यक्रममा नेपाली काङ्ग्रेस सम्वद्ध भातृसंघ,शुभेच्छुक संस्था तथा बेलबारी नगर का ११ वटै वडाहरु बाट पार्टीका कार्यकर्ताहरुको ब्यापक उपस्थिति रहेको थियो।
कार्यक्रममा नेपाली काङ्ग्रेस पार्टीका नेता महासमिति सदस्य कोशी प्रदेश का स्वास्थ्य मन्त्री माननीय मान बहादुर लिम्बू ,नेपाली काङ्ग्रेस पार्टीका नेता महासमिति सदस्य पुर्व राज्य मन्त्री दिलिप गच्छदार,नेपाली काङ्ग्रेस पार्टीका नेता महासमिति सदस्य महेन्द्र सुवेदी,नेपाली काङ्ग्रेस पार्टीका महाधिवेशन प्रतिनिधी राज कुमार लिम्बू नेपाली काङ्ग्रेस,मोरङ जिल्ला सदस्य महिला नेत्री रिता निरौला पार्टीका क्षेत्रिय सचिव राजेन्द्र अधिकारी, बेलबारी पुर्व नगर सभापति शम्भु भट्टराई,नेपाली काङ्ग्रेस पार्टी का जिल्ला,क्षेत्र,नगर र ११ वटै वडा कार्यसमिति का सभापति पदाधिकारी स्थानिय जनप्रतिनिधि नेता कार्यकर्ता क्रियाशिल सदस्यहरुको ब्यापक उपस्थित रहेको थियो। कार्यक्रममा अन्य विभिन्न सामाजिक संघ संस्थाहरुका प्रतिनिधीहरुको समेत प्रतिनिधीत्व रहेको थियो।
राष्ट्रको सम्मानमा राष्ट्रिय गान गाएर कोशी प्रदेश का स्वास्थ्य मन्त्री माननिय मान बहादुर लिम्वु ,पुर्व राज्य मन्त्री दिलिप गच्छदार,महासमिति सदस्य महेन्द्र सुवेदी तिनै जनाको बाहुली बाट वृक्षारोपण कार्यलाई शुरु गरे पश्च्यात ओैपचारिक रुपले वृक्षारोपणको कार्यक्रम आरम्भ भएको थियो।
वृक्षा रोपण कार्यक्रममा स्थानिय श्री लक्ष्मी सामुदायिक वन उपभोक्ता समुहले आवाश्यक्ता अनुसार विभिन्न जातका विरुवाहरु संगै बिरुवा संरक्षणको लागि बासको चोया बाट बुनेको डोको जाली समेत उपलब्ध गराएको सामुदायिक वन समुहका अध्यक्ष सुजय गौतमले सुचना चौतारीलाई बताए।
निर्धारित समय विहान ७ बजे बाट शुरुभएको वृक्षारोपण कार्यक्रमलाई ओैपचारिक रुपमा नेपाली काङ्ग्रेस पार्टीका नगर सचिव शन्तोष भट्टराईले संञ्चालन गरेका थिए।
