काठमाडौँ । सञ्चार तथा सूचना प्रविधिमन्त्रीका अनुसार फिफा विश्वकप २०२६ अन्तर्गत आज राति हुने तेस्रो स्थानका लागि प्रतिस्पर्धा तथा भोलि राति हुने फाइनल खेल नेपाल टेलिभिजनको एनटीभी प्लस च्यानलबाट निःशुल्क प्रत्यक्ष प्रसारण गरिने भएको छ। यस निर्णयसँगै नेपाली फुटबल समर्थकले अतिरिक्त शुल्क नतिरी राष्ट्रिय प्रसारणमार्फत विश्वकपका अन्तिम दुई महत्वपूर्ण खेल हेर्न पाउने भएका छन्।
मन्त्रीले सामाजिक सञ्जालमार्फत जानकारी दिँदै विश्वकपका निर्णायक खेलहरू सबै नेपाली दर्शकसम्म सहज पहुँचमा पुर्याउने उद्देश्यले निःशुल्क प्रसारणको व्यवस्था गरिएको बताएका छन्। यसबाट देशभरका फुटबलप्रेमीले एनटीभी प्लसमार्फत प्रत्यक्ष रूपमा खेलको रोमाञ्च लिन सक्नेछन्।
यसअघि विश्वकपका अधिकांश खेलहरू सशुल्क प्लेटफर्ममार्फत प्रसारण हुँदै आएका थिए। तर अन्तिम दुई खेल भने नेपाल टेलिभिजनमार्फत खुला पहुँच (फ्री–टु–एयर) मा उपलब्ध गराइने भएपछि दर्शकमाझ उत्साह थपिएको छ। नेपालमा विश्वकप प्रसारण अधिकारसम्बन्धी व्यवस्थामा अन्तिम चरणमा यस्तो विशेष व्यवस्था गरिएको हो।
विश्वकपको तेस्रो स्थानका लागि हुने खेलपछि भोलि राति हुने फाइनलसँगै प्रतियोगिताको औपचारिक समापन हुनेछ। प्रतियोगिताभर विश्वभरका फुटबल समर्थकको केन्द्र बनेको विश्वकपको अन्तिम दुई खेल नेपाली दर्शकले पनि एनटीभी प्लसबाट निःशुल्क प्रत्यक्ष हेर्न सक्ने व्यवस्था मिलाइएको सञ्चारमन्त्रीले जानकारी दिएका छन्।
