जहाँबाट फाइदा हुन्छ, त्यहिं दान गरिन्छ !
आउने जाने सबै ठाउँ पहिचान गरिन्छ !!
यो पैसावाला हो भन्ने बुझिसकेपछि !
उसको खुबै गुणगान र बखान गरिन्छ !!
इमान्दार मान्छे एउटा छेउमा बसेको हुन्छ !
तर बेइमानलाई रिजाउन तानातान गरिन्छ!!
धनीलाई ज्यू हजुर गर्ने तपाईँ हामीहरू !
गरिबलाई भारी सभामा अपमान गरिन्छ !!
भेदभावको खाडल हामी आफै बनाउँछौं !
अनजानमा भए नि ठिकै थियो तर जानाजान गरिन्छ !
श्रीराम रानाभाट (पोखरा)
