काठमाडौं । २०८३ आज असार ३० गते दशरथ रङ्गशालास्थित अन्तर्राष्ट्रिय मार्शल सोतोकान डोजोमा बङ्गलादेशमा १६ तारिख र १७ तारिख हुने १०औँ दक्षिण एसियाली च्याम्पियनसिप कराँते प्रतियोगितामा नेपालको प्रतिनिधित्व गर्दै सहभागी हुन जाने नेपाली खेलाडी अजय बलोन तामाङ र सुजन तामाङलाई विजयको अग्रिम शुभकामनासहित औपचारिक बिदाइ गरिएको छ।
अजय बलोन तामाङ नेपालका गौरवशाली कराँते खेलाडी हुन्। उहाँले सातौँ दक्षिण एसियाली खेलकुदमा रजत पदक तथा आठौँ दक्षिण एसियाली खेलकुदमा स्वर्ण पदक जितेर नेपाललाई अन्तर्राष्ट्रिय स्तरमा गौरवान्वित बनाइसक्नुभएको छ।
यसपटक पनि उहाँसँगै सुजन तामाङले राष्ट्रको सम्मानका लागि उत्कृष्ट प्रदर्शन गर्ने विश्वास व्यक्त गरिएको छ।
बिदाइ कार्यक्रममा सोतोकानका दिलेन्द्र बैधे, बुद्धराज नेगी, धिर्जमान तामाङ, ऋषि लामा, प्रकाश श्रेष्ठ, धिरज उपरकोटी, रामनारायण, बिकबहादुर थामी, महमद आलम, पञ्च लामा, प्रेम सिंह, दीपक बरालीलगायत खेलाडी तथा प्रशिक्षकहरूको उल्लेखनीय उपस्थिति रहेको थियो।
कार्यक्रममा बोल्दै खेलाडी हरूलाई हौसल दिँदै सिनियार गुरू तथा सोतोकान केन्द्रीय टिमका धिर्ज मान तामाङले खेलाडी हरूलाई अनुसासन र मेहनत गर्नुपर्छ। आफ्नो जिम्मेवार र खेल प्रति र राष्ट्रको लागी मेहनत अनुशासन भएर खेल्नुपर्छ भन्दै खेलाडी हरूलाई हौसला अनुशासन र खेलको नियम बारे खेलाडी शुभकामना राख्नु भयो
अर्का खेलाडी सोतोकानका केन्द्रीय टिमका धिरज उपरकोटीले राष्ट्रका लागि खेल्ने खेलाडीहरूले आफ्नै खर्चमा यात्रा, बसोबास र प्रतियोगिताको सम्पूर्ण व्यवस्थापन गर्नुपर्ने अवस्था दुःखद रहेको बताउनुभयो। उहाँले दुई पटक दक्षिण एसियाली स्तरमा पदक जितिसकेका खेलाडीसम्म राज्यको पर्याप्त सहयोग नपुग्नु गम्भीर विषय भएको उल्लेख गर्दै भन्नुभयो:
“राष्ट्रको नाम अन्तर्राष्ट्रिय स्तरमा चिनाउने खेलाडीहरूलाई राज्यले आवश्यक लगानी, संरक्षण र प्रोत्साहन गर्नुपर्छ।
खेलाडीहरू आफ्नै खर्चमा विदेश गएर देशको झण्डा उचाल्न बाध्य हुनु उचित होइन। खेल क्षेत्रलाई प्राथमिकतामा राखी सरकारले आफ्नो जिम्मेवारी पूरा गर्न आवश्यक छ।”
नेपालका सम्पूर्ण खेलप्रेमीका तर्फबाट अजय बलोन तामाङ, सुजन तामाङ तथा नेपाली टोलीलाई प्रतियोगिताको सफलताको हार्दिक शुभकामना। नेपालको झण्डा उच्च राख्दै स्वर्णिम सफलता हासिल गर्न सकोस् भन्ने कामना।
