खाेटाङ । दिक्तेल रुपाकोट मझुवागढी नगरपालिकाद्धारा सञ्चालित रेमी परियोजनाका तत्कालिन रोजगार परामर्शकर्ता ओजोनबाबु आचार्यबाट यथेष्ट प्रमाण पेश वा रकम अशुल गर्न महालेखा परिक्षण प्रतिवेदनले राय दिएको छ ।
बैदेशिक रोजगार बाट फर्किएकाहरुको लागि अभिमुखीकरण कार्यक्रमको लागि लिएको रकम २०८२।३।२४ को अर्थ मन्त्रालयद्धारा जारी निर्देशिकामा सार्वजनिक निकायले सञ्चालन गर्ने सबै प्रकारका तालिम,गोष्ठी,सेमिानर तथा कार्यशालाको खर्चको ब्यवस्था बिपरित गरिएको महालेखाको प्रतिवेदनमा उल्लेख छ ।
यस कार्यक्रममा २० सहभािग र १ प्रशिक्षक तथा १ सहजकर्ता उपस्थित रहेको र कार्यक्रम ७ दिन सम्म सञ्चालन भएकोमा खाजा वापत ७९१००।०० को विल पेश गरेका रोजगार परामशकर्ता ओजोनबाबु आचार्यलाई रकम भुक्तानी भएको छ ।
निर्देशिका तथा पालिकाले तयार गरेको मापदण्ड बमोजिम प्रति ब्यक्ती प्रति दिन खाजा वापत ३०० को दरले ७ दिनको २२ जनाको ४६२००।०० सम्म खर्च गर्नुपर्नेमा ७९१००।०० खर्च भएकोले उक्त बाँकी रकमको यथेष्ट प्रमाण वा रकम असुल्न महालेखाले भनेको छ ।
अभिमुखिकरणमा बढी खर्च गरेर विल पेश गरेको रकम ३२९००।०० को सम्बन्धमा यथेष्ट प्रमाण कागजात पेश गनुपर्ने अन्यथा उक्त रकम रोजगार परामशकर्ता ओजोनबाबु आचार्यबाट असुल गनुपर्ने प्रतिवेदनमा उल्लेख गरिएको छ ।
तत्कालिन परामर्शकर्ता आचार्य गत जेठ देखी नै परियोजनाबाट राजिनामा दिएर राष्ट्रिय स्वतन्त्र पार्टीबाट राजनीतिमा क्रियाशिल रहेकाछन् भने, जिल्ला सभापतिमा मुकुन्द कृष्ण थापा सँग भारि मतले पराजित भएका थिए।
