अबुधाबी। फिफा विश्वकप २०२६ अन्तर्गत अन्तिम १६ को रोमाञ्चक प्रतिस्पर्धामा इङ्ल्यान्डले सह–आयोजक मेक्सिकोलाई ३–२ ले पराजित गर्दै क्वाटरफाइनलमा स्थान सुरक्षित गरेको छ।
इङ्ल्यान्डका लागि जुड बेलिङ्घमले ३६औँ र ३८औँ मिनेटमा लगातार दुई गोल गर्दै टोलीलाई उत्कृष्ट सुरुआत दिलाए। त्यसपछि ह्यारी केनले ६०औँ मिनेटमा पेनाल्टीमार्फत गोल गर्दै इङ्ल्यान्डको अग्रता ३–१ बनाए।
मेक्सिकोका लागि जुलियन क्विन्योनेसले ४२औँ मिनेटमा पहिलो गोल फर्काए भने राउल जिमेनेजले ६९औँ मिनेटमा पेनाल्टीमार्फत दोस्रो गोल गरे। त्यसपछि मेक्सिकोले बराबरीका लागि लगातार दबाब बनाए पनि इङ्ल्यान्डले अग्रता जोगाउन सफल भयो।
यस जितसँगै इङ्ल्यान्ड क्वाटरफाइनलमा पुगेको छ, जहाँ उसको सामना नर्वेसँग हुनेछ।
