जब खोला उत्ताउलो हुन्छ, धार बदल्छ
सन्तुलन नभएपछि मान्छे, विचार बदल्छ ।
के छ हो तिम्रो शरीरमा त्यस्तो, जादुटुना ??
तिमीलाई देख्दा मेरो शरीरले, आकार बदल्छ ।
किन हुन्छ यस्तो झन्झनाहट, अचम्म छ
उता शरीरको सारङ्गीले समेत, तार बदल्छ ।
जहाँ छु त्यहाँ, मिठो मह उत्पादन भाको छैन
पक्कै एकदिन यो रानो मौरीले घार बदल्छ ।
अनुरोध मान या याचना, विश्वास गर या नगर
तिमीलाई पायो भने यो ज्यानले, संसार बदल्छ ।
श्रीराम रानाभाट (पोखरा)
