चितवन । राष्ट्रिय स्वतन्त्र पार्टी (रास्वपा) को ऐतिहासिक प्रथम राष्ट्रिय महाधिवेशनअन्तर्गत भक्तपुर क्षेत्र नं. १ का प्रतिनिधिसभा सदस्य रूकेश रञ्जितले केन्द्रीय सदस्य (खुल्ला) पदका लागि उम्मेदवारी दर्ता गराएका छन्।
पार्टीको संगठनात्मक सुदृढीकरण, सुशासन र वैकल्पिक राजनीतिक अभ्यासलाई थप प्रभावकारी बनाउने उद्देश्यसहित आफूले उम्मेदवारी दिएको रञ्जितले बताएका छन्।
रञ्जित रास्वपाका सक्रिय तथा लोकप्रिय युवा नेतामध्ये एक मानिन्छन्। उनले संसद् तथा जनस्तरमा उठाएका विभिन्न विषयले पार्टीभित्र पनि विशेष चर्चा पाएको छ।
रास्वपाको प्रथम राष्ट्रिय महाधिवेशनबाट नयाँ नेतृत्व चयन हुँदैछ भने विभिन्न पदका लागि नेताहरूले उम्मेदवारी दर्ता गरिरहेका छन्। रूकेश रञ्जितको उम्मेदवारीलाई पनि महाधिवेशनमा चासोका साथ हेरिएको छ।
