दाङ । नेकपा (एमाले) ले पार्टी संगठनलाई थप सुदृढ बनाउने उद्देश्यसहित लुम्बिनी प्रदेशस्तरीय बैठक आयोजना गर्ने भएको छ। पार्टी पुनःगठन अभियान र पछिल्लो निर्वाचनको समीक्षा बैठकका प्रमुख एजेन्डा रहने जनाइएको छ।
कोशी प्रदेशमा यस्तै कार्यक्रम सम्पन्न गरेपछि एमालेको केन्द्रीय नेतृत्व टोली लुम्बिनी प्रदेशमा केन्द्रित भएको हो। कपिलवस्तुको चनौटामा हुने बैठकमा पार्टीका शीर्ष नेताहरूको सहभागिता रहनेछ।
एमाले लुम्बिनी प्रदेश अध्यक्ष राधाकृष्ण कँडेलका अनुसार बैठकमा पार्टीका उपाध्यक्षहरू रामबहादुर थापा ‘बादल’, विष्णुप्रसाद पौडेल, पृथ्वी सुब्बा गुरुङ र गोकर्ण विष्ट सहभागी हुनेछन्। साथै महासचिव शंकर पोखरेल, सचिव तथा लुम्बिनी प्रदेश इन्चार्ज छविलाल विश्वकर्मालगायत केन्द्रीय नेताहरूको पनि उपस्थिति रहनेछ।
बैठकमा लुम्बिनी प्रदेशअन्तर्गतका १२ वटै जिल्ला कमिटीका पदाधिकारी, प्रदेश कमिटीका सदस्य तथा प्रदेशबाट प्रतिनिधित्व गर्ने केन्द्रीय कमिटी सदस्यहरू सहभागी हुने जनाइएको छ।
अध्यक्ष कँडेलका अनुसार बैठकमा संगठनात्मक अवस्था, पार्टी पुनःगठन अभियानको प्रगति, पछिल्लो निर्वाचनको समग्र समीक्षा तथा आगामी राजनीतिक रणनीतिबारे विस्तृत छलफल गरिनेछ। साथै संगठन विस्तार, कार्यकर्ता परिचालन र पार्टी गतिविधिलाई जनस्तरसम्म प्रभावकारी बनाउने विषयमा समेत सुझाव संकलन गरिनेछ। एमालेले देशव्यापी रूपमा सञ्चालन गरिरहेको संगठन सुदृढीकरण अभियानअन्त
