काठमाडौं । ललितपुरबाट निर्वाचित जगदीश खरेल ले राष्ट्रिय स्वतन्त्र पार्टी (रास्वपा) का सभापति रवि लामिछाने देश र जनताको हितका लागि आफ्नो राजनीतिक भविष्य र प्रधानमन्त्री पदसमेत त्याग्न सक्ने त्यागी र महान् नेता रहेको बताएका छन्। समसामयिक राजनीतिक परिस्थितिबारे धारणा राख्दै उनले लामिछानेमा पद र शक्तिप्रतिको कुनै मोह नरहेको दाबी गरे।
सांसद खरेलले लामिछानेले व्यक्तिगत स्वार्थभन्दा राष्ट्र र नागरिकको हितलाई सधैं प्राथमिकतामा राख्ने गरेको उल्लेख गरे। उनले देशलाई सही दिशामा अघि बढाउन आवश्यक परे जुनसुकै पद त्याग्न समेत लामिछाने तयार रहने विश्वास व्यक्त गरे।
उनका अनुसार वर्तमान राजनीतिक परिवेशमा पद र अवसरलाई केन्द्रमा राखेर राजनीति गर्ने प्रवृत्ति बढिरहेका बेला लामिछाने फरक सोच र व्यवहारका नेता हुन्। “राष्ट्रको हितका लागि आफ्नो राजनीतिक भविष्यसमेत दाउमा राख्न सक्ने नेता दुर्लभ हुन्छन्,” भन्ने आशय व्यक्त गर्दै खरेलले उनलाई निस्वार्थ राजनीतिक नेतृत्वको उदाहरणका रूपमा प्रस्तुत गरे।
खरेलले लामिछानेप्रति जनताको विश्वास निरन्तर बढिरहेको पनि बताए। उनले मुलुकको राजनीतिक संस्कार परिवर्तन गर्ने अभियानमा लामिछानेको भूमिका महत्वपूर्ण रहेको उल्लेख गर्दै त्याग, इमानदारी र जनउत्तरदायी नेतृत्वका कारण उनी नेपाली राजनीतिमा विशिष्ट व्यक्तित्वका रूपमा स्थापित भएको धारणा व्यक्त गरे।
