काठमाडौं । प्रतिनिधिसभा बैठकमा समय नै नमागेका सांसद हर्क साम्पाङलाई बोल्न नदिएको विषयलाई लिएर आपत्ति जनाइएको छ। केही सांसदहरूले संसद्को स्थापित प्रक्रिया र नियमावलीलाई बेवास्ता गर्दै अनावश्यक विवाद सिर्जना गरिएको आरोप लगाएका छन्।
उनीहरूले संसद्मा बोल्नका लागि निर्धारित प्रक्रिया अनुसार समय माग्नुपर्ने स्पष्ट व्यवस्था हुँदाहुँदै समय नै नमागेका सांसदलाई बोल्न नदिएको भन्दै हंगामा गर्नु संसदीय मर्यादा विपरीत भएको बताएका छन्। “समय नमाग्ने अनि बोल्न नपाएको भन्दै संसद् अवरुद्ध गर्ने प्रवृत्ति स्वीकार्य हुन सक्दैन,” भन्दै उनीहरूले नियमभन्दा माथि कोही पनि हुन नसक्ने बताएका छन्।
यस विषयलाई लिएर संसद्भित्र चर्को बहस समेत भएको छ भने केही सांसदहरूले लोकप्रियताका लागि संसद्लाई अनावश्यक रूपमा विवादको थलो बनाइएको आरोप लगाएका छन्। “नियम पालना नगर्ने अनि दोष अरूमाथि थोपर्ने राजनीति अब चल्दैन,” भन्दै उनीहरूले संसदीय प्रक्रियाको सम्मान गर्न सबैलाई आग्रह गरेका छन्।
