काठमाडौं । राष्ट्रिय स्वतन्त्र पार्टी (रास्वपा) काठमाडौं जिल्ला समितिको जिल्ला अधिवेशन सम्पन्न भई नयाँ नेतृत्व चयन गरिएको छ। सार्वजनिक गरिएको निर्वाचन परिणामअनुसार कुल ५२८ मतदाता मध्ये ४३८ मत खसेको थियो। सदर मत ४३३ र बदर मत ५ रहेको निर्वाचन समितिले जनाएको छ।
अधिवेशनबाट सभापतिमा राजा शाक्य २५९ मत प्राप्त गर्दै निर्वाचित भएका छन् भने उनका प्रतिद्वन्द्वी सुरेश सापकोटाले १८२ मत प्राप्त गरे। उपसभापतिमा रविन्द्र गौतम २१६ मतसहित विजयी हुँदा स्वच्छन्द खड्काले २११ मत पाए। सचिव पदमा सन्तमान महर्जन २४७ मतसहित निर्वाचित भए भने रमेश स्योपानेले १३३ मत प्राप्त गरे। सह–सचिवमा सौरभ बस्नेत ३२५ मतसहित विजयी हुँदा गणेश थापाले १५ मत पाए।
सदस्य पदतर्फ समेश्वर बहादुर श्रेष्ठ (१८२), केदार प्रसाद ढकाल (१६६) र बलराम कार्की (२३६) निर्वाचित भएका छन्। अन्य उम्मेदवारहरूमा राजेन्द्र मुनि बज्राचार्यले १४९, प्रकाश चौलागाईंले १३२ तथा रत्न काजी महर्जनले १६२ मत प्राप्त गरेका छन्। अधिवेशनले नयाँ नेतृत्व चयनसँगै पार्टी संगठनलाई थप सुदृढ बनाउँदै आगामी राजनीतिक तथा संगठनात्मक गतिविधिलाई प्रभावकारी रूपमा अघि बढाउने अपेक्षा गरिएको छ।
