हेटौंडा । राष्ट्रिय स्वतन्त्र पार्टी (रास्वपा) मकवानपुरको आज सम्पन्न प्रथम जिल्ला अधिवेशनबाट नयाँ जिल्ला कार्यसमिति सर्वसम्मत रूपमा चयन भएको छ। अधिवेशनले पार्टीको जिल्ला नेतृत्व चयन गर्दै आगामी कार्यकालका लागि जिम्मेवारी बाँडफाँट गरेको हो।
सर्वसम्मत रूपमा निर्वाचित पदाधिकारीहरूमा सभापतिमा सञ्जीव पाठक, उपसभापतिमा टाका राज थापा (सुरेश), सचिवमा बिशभ अधिकारी तथा सह–सचिवमा शान्ति थापा चयन भएका छन्। नवनिर्वाचित नेतृत्वलाई अधिवेशनमा सहभागी प्रतिनिधि तथा कार्यकर्ताहरूले बधाई तथा सफल कार्यकालको शुभकामना व्यक्त गरेका छन्।
अधिवेशनबाट चयन भएको नयाँ नेतृत्वले मकवानपुरमा पार्टी संगठनलाई अझ सुदृढ बनाउँदै जनतासँगको सम्बन्ध विस्तार, संगठन निर्माण तथा पार्टीका नीति–कार्यक्रमलाई प्रभावकारी रूपमा कार्यान्वयन गर्ने विश्वास व्यक्त गरिएको छ। पार्टीका नेता तथा कार्यकर्ताहरूले नवनिर्वाचित टिमको सफल कार्यकालले जिल्लामा रास्वपाको संगठनात्मक विकासमा महत्वपूर्ण योगदान पुग्ने अपेक्षा गरेका छन्।
