राैतहट। राष्ट्रिय स्वतन्त्र पार्टी (रास्वपा) ले देशभर एकसाथ जिल्ला अधिवेशन सुरु गरेकै दिन रौतहटमा भने विवादका कारण आजको अधिवेशन असफल भएको छ। जिल्लाका कुल १८ पालिकाहरूमध्ये आधा अर्थात् ९ वटा पालिकामा मात्र अधिवेशन सम्पन्न भएको अवस्थामा हतार-हतार जिल्ला अधिवेशन प्रक्रिया अघि बढाएपछि पार्टीभित्रै तीव्र असन्तुष्टि चुलिएको हो।
पर्याप्त तयारी र सबै पालिकाको प्रतिनिधित्व बिना नै जिल्ला नेतृत्व चयन गर्न खोजिएपछि आज बसेको अधिवेशन निष्कर्षविहीन बन्दै असफल भएको नेताहरूले बताएका छन्।
नातावाद र कृपावाद हावी भएको युवा नेता रबिन्द्र यादवको आरोप यसैबीच, रास्वपाका युवा नेता रबिन्द्र यादवले पार्टीको विधि र “जसरी पनि पुराना दलभन्दा फरक हुने” सिद्धान्त विपरीत रौतहटमा नातावाद र कृपावाद चरम रूपमा हावी भएको दाबी गर्नुभएको छ।
युवा नेता यादवले भन्नुभयो, “भएका केही पालिका अधिवेशनहरूमा समेत कतिपय ठाउँमा विधि मिचेर आफ्ना नातेदार र आसेपासेलाई मात्र पद बाँड्ने काम भएको छ। नयाँ र सक्षम युवाहरूलाई पाखा लगाएर नातावाद र कृपावादका आधारमा संगठन कब्जा गर्न खोजिएकै कारण आजको जिल्ला अधिवेशन असफल भएको हो।
