भक्तपुर । राष्ट्रिय स्वतन्त्र पार्टी सूर्यविनायक नगर समिति भक्तपुरले आफ्नो प्रथम नगर अधिवेशन आयोजना गर्ने भएको छ। अधिवेशन भाेलि २०८३ साल असार १६ गते शनिबार सूर्यविनायक, भक्तपुरमा सम्पन्न हुने जनाइएको छ। कार्यक्रममा पार्टीका नेता तथा कार्यकर्तासहित स्थानीय सर्वसाधारणको समेत सहभागिता रहने अपेक्षा गरिएको छ।
उक्त नगर अधिवेशनकाे प्रमुख अतिथिका रूपमा महामन्त्री भूप देव शाह सहभागी हुने कार्यक्रम तय गरिएको आयोजकले जनाएको छ। कार्यक्रममा पार्टीको संगठन विस्तार, आगामी रणनीति तथा नगरस्तरीय गतिविधिबारे छलफल गरिने बताइएको छ। साथै अधिवेशनमार्फत नयाँ नेतृत्व चयन तथा संगठनलाई थप सुदृढ बनाउने उद्देश्य राखिएको छ।
कार्यक्रम भक्तपुरको योयो ब्याङ्क्वेटमा आयोजना गरिनेछ। बिहान ११ बजे सुरु हुने कार्यक्रममा विभिन्न राजनीतिक व्यक्तित्व, शुभेच्छुक तथा स्थानीय प्रतिनिधिहरूको उपस्थिति रहने अपेक्षा गरिएको छ। आयोजकका अनुसार अधिवेशनलाई भव्य र व्यवस्थित बनाउन आवश्यक तयारी तीव्र पारिएको छ।
राष्ट्रिय स्वतन्त्र पार्टी सूर्यविनायक नगर समितिले सम्पूर्ण पार्टी सदस्य, शुभेच्छुक तथा स्थानीय नागरिकलाई कार्यक्रममा उपस्थित भई सफल बनाउन आग्रह गरेको छ। पार्टीले अधिवेशनलाई संगठन सुदृढीकरण र जनतासँगको सम्बन्ध अझ मजबुत बनाउने अवसरका रूपमा लिएको जनाएको छ।
