काठमाडौं । सरकारले राष्ट्रसेवक कर्मचारीहरूको तलब २१ प्रतिशतले वृद्धि गर्ने घोषणा गरेको छ। अर्थमन्त्री डा. स्वर्णिम वाग्ले ले आगामी आर्थिक वर्षको बजेट प्रस्तुत गर्दै कर्मचारीहरूको नयाँ तलब संरचना सार्वजनिक गरेका हुन्।
घोषणा अनुसार अब सरकारी कर्मचारीहरूको न्यूनतम पारिश्रमिक ४० हजार रुपैयाँ पुग्नेछ भने अधिकतम तलब एक लाख रुपैयाँभन्दा माथि हुने बताइएको छ। सरकारले बढेको महँगी, जीवनयापन खर्च र कर्मचारीहरूको मनोबल उच्च राख्न तलब वृद्धि गरिएको जनाएको छ।
नयाँ तलब स्केल आगामी साउन १ गतेदेखि लागू हुने अर्थमन्त्री वाग्लेले जानकारी दिएका छन्। सरकारले सार्वजनिक गरेको यो निर्णयसँगै विभिन्न तहका कर्मचारीहरू प्रत्यक्ष रूपमा लाभान्वित हुने अपेक्षा गरिएको छ।
