काठमाडौं । राष्ट्रिय स्वतन्त्र पार्टी को शंखरापुर नगरपालिकास्तरीय ऐतिहासिक प्रथम नगर अधिवेशन सम्पन्न भएको छ। अधिवेशन माननीय सुनिल के.सी., केन्द्रीय सदस्य धनेज थापा लगायत विभाग, प्रदेश, जिल्ला तथा क्षेत्रीय समितिका प्रतिनिधिहरूको गरिमामय उपस्थितिमा सम्पन्न भएको हो।
अधिवेशनबाट हरिचन्द्र थापाको नेतृत्वमा नयाँ नगर कार्यसमिति चयन गरिएको छ। समितिको उपसभापतिमा अमृता खड्का, सचिवमा रुपक पोखरेल तथा सह–सचिवमा विनोद ढकाल निर्वाचित भएका छन्। त्यसैगरी सदस्यहरूमा राजकुमार पोखरेल, लक्ष्मण भण्डारी, दिपेन्द्र श्रेष्ठ, सादुराम चौलागाईं, विधामान श्रेष्ठ, वर्षा कार्की र राजकुमार ओझा चयन भएका छन्।
यस्तै अधिवेशनले पार्टीको महाधिवेशन प्रतिनिधिमा उद्धव दङ्गाल र सुरेश मानान्धरलाई चयन गरेको छ। प्रदेश प्रतिनिधिमा अच्युत दुलाल र पुरुषोत्तम कार्की चयन हुँदा जिल्ला प्रतिनिधिमा प्रकाश चौलागाईं, रामचन्द्र तिवारी, रामसुन्दर के.सी. तथा हिरा पुडासैनी निर्वाचित भएका छन्।
अधिवेशनमा सहभागी नेताहरूले संगठन विस्तार, जनतासँगको प्रत्यक्ष सम्बन्ध र सुशासनको अभियानलाई स्थानीय तहसम्म प्रभावकारी रूपमा अघि बढाउने प्रतिबद्धता व्यक्त गरेका थिए।
