काठमाडौं । राष्ट्रिय स्वतन्त्र पार्टी दक्षिणकाली नगरपालिकाको ऐतिहासिक प्रथम नगर अधिवेशनबाट नयाँ नेतृत्व चयन भएको छ। अधिवेशनबाट निर्वाचित सम्पूर्ण नेतृत्वलाई हार्दिक बधाई तथा सफल कार्यकालको शुभकामना व्यक्त गरिएको छ।
नवनिर्वाचित नेतृत्वले जनताको आशा, भरोसा र परिवर्तनको सपना बोकेर पदमा सीमित नरही उत्तरदायित्वको उचाइमा उभिने अपेक्षा गरिएको छ। नगरभित्र जरा गाडेर बसेका भ्रष्टाचार, बेथिति र निष्क्रिय संस्कारको अन्त्य गर्दै सुशासन, पारदर्शिता र जनउत्तरदायी राजनीतिको नयाँ अध्याय सुरु गर्ने विश्वास व्यक्त गरिएको छ।
नगरवासीले अब प्रत्येक निर्णयमा जनताको आवाज सुनिनुपर्ने, प्रत्येक कदममा इमान्दारिता देखिनुपर्ने र प्रत्येक गतिविधिमा परिवर्तनको अनुभूति हुनुपर्ने अपेक्षा गरेका छन्। नयाँ नेतृत्वले जनविश्वासलाई थप मजबुत बनाउँदै परिवर्तनको आशालाई व्यवहारमा रूपान्तरण गर्ने जिम्मेवारी पाएको उल्लेख गरिएको छ।
अधिवेशनबाट निर्वाचित पदाधिकारीहरूमा सभापतिमा उमेश आचार्य, उपसभापतिमा गौतम फुयाल, सचिवमा उत्तम के. सी. तथा सहसचिवमा राजकुमार के. सी. निर्वाचित भएका छन्।
त्यस्तै सदस्यहरूमा ललिता तामाङ, इन्द्रकुमारी पाण्डे, तारा विसुङ्खे, विनोद पौडेल, सानुभाइ महर्जन, श्यामहरि कुँवर र सुरेन्द्र खत्री निर्वाचित भएका छन्।
