काठमाडौं । श्रम संस्कृति पार्टीको वागमती प्रदेश नं. ३ तदर्थ समिति सर्वसम्मतिबाट गठन गरिएको छ । नवगठित समितिको अध्यक्षमा निमा मोक्तान तामाङ चयन हुनुभएको छ ।
समितिको उपाध्यक्षहरूमा श्यामलाल योन्जन, किशोर राना मगर, पशुपति तुलाधर, निता पाण्डे तथा सन्जय राई चयन हुनुभएको छ । सचिवमा जगन्नाथ पौडेल चयन हुँदा सहसचिवहरूमा धर्मचन्द्र योन्जन, रत्नमान शंखदेव तथा टेकबहादुर लिम्बू चयन हुनुभएको छ ।
त्यसैगरी कोषाध्यक्षमा नवराज थापा तथा सह-कोषाध्यक्षहरूमा रेनुका श्रेष्ठ र राजु नेपाल चयन भएका छन् । प्रवक्तामा उपेन्द्र प्रसाद रिमाल तथा सह-प्रवक्ताहरूमा मर्सी तामाङ र निर्पेश मिजार चयन भएका छन् ।
समितिका सदस्यहरूमा कुमार तामाङ, राजेन्द्र गिरि, मनि शाही, लक्पा शेर्पा लगायत अन्य सदस्यहरू रहेका छन् ।
नवनिर्वाचित सम्पूर्ण पदाधिकारी तथा सदस्यहरूलाई बधाई तथा सफल कार्यकालको शुभकामना व्यक्त गरिएको छ । कार्यक्रममा वागमती प्रदेशका १३ वटै जिल्लाका अध्यक्ष, सचिव तथा प्रतिनिधिहरू, केन्द्रीय सदस्यहरू, युवा संघका पदाधिकारी, पत्रकार, सुरक्षा निकाय, स्वयंसेवक तथा श्रमदाताहरूको सहभागिता रहेको बताइएको छ ।
कार्यक्रम सफल बनाउन योगदान पुर्याउने केन्द्रीय सदस्य तथा वागमती प्रदेश इन्चार्ज जनजित तामाङ, केन्द्रीय उपाध्यक्ष लोकनाथ चुडाल, उपाध्यक्ष आशा लामा, महासचिव माननीय एरेन राई, उपमहासचिव समिर तामाङ, सचिव टिकाराम राई, सह-प्रवक्ता गोपाल खड्का प्रसङ्ग, केन्द्रीय सदस्य मन्दिरा मुक्तान लगायतलाई विशेष धन्यवाद व्यक्त गरिएको छ ।
कार्यदल सदस्य हिरामान बलले नवगठित समितिले पार्टी संगठन विस्तार तथा श्रमिक अधिकारका विषयमा प्रभावकारी भूमिका खेल्ने विश्वास व्यक्त गर्नुभयो ।
