काठमाडौं । सरकारको काम कारबाही र प्रधानमन्त्री बालेन्द्र साहको कार्यशैलीलाई लिएर निरन्तर आक्रोश जनाउँदै आएको प्रतिपक्ष दल श्रम संस्कृति पार्टी संसदबाट निरन्तर खबरदारी गरिरहेको छ । सो पार्टीका सांसदहरुले पृथक शैलीमा विरोध गरिरहेका छन्।
यसैक्रममा आज प्रतिनिधि सभा बैठकमा बोल्दै उक्त पार्टीका सांसद ध्रुवराज राईले केन्द्रीय सरकार हराएको भन्दै रोचक शैलीमा व्यंग्य कसे । उनले ‘सोइ ढोले सोइ, केन्द्रीय सरकार खोइ ?’ भन्दै सरकारमाथि कटाक्ष गरेका हुन् ।
हावाहुरीका कारण गत चैत्रमै भोजपुरका ६५ घर र ८ वटा स्कुलको छानो उडाएको घटना स्मरण गराउँदै सांसद राईले लामो समय बितिसक्दा पनि सरकारले राहत नदिएकोमा आपत्ति जनाए । जनताको पीडा सम्बोधन गर्न सरकार उदासिन देखिएको भन्दै उनले सोइ ढोले भनेका हुन् ।
