कास्की ।पोखरास्थित मित्रमिलन बचत तथा ऋण सहकारी संस्था मा भएको करिब २९ करोड ४६ लाख रुपैयाँ हिनामिना प्रकरणमा संलग्न व्यक्तिविरुद्ध पक्राउ पुर्जी जारी भएको छ। जिल्ला प्रहरी कार्यालय कास्की ले लामो अनुसन्धानपछि प्रतिवेदन सरकारी वकिलको कार्यालयमा बुझाएसँगै प्रतिवादीहरूमाथि कानुनी प्रक्रिया अघि बढाइएको हो।
कास्की प्रहरीका सूचना अधिकारी हरीबहादुर बस्नेत का अनुसार सहकारी रजिष्ट्रारको कार्यालयको छानबिन र बचतकर्ताले दिएको जाहेरीका आधारमा प्रत्येक व्यक्तिको बिगो निर्धारण गरेर प्रतिवादी कायम गरिएको छ। अब सरकारी वकिलको कार्यालयले थप अनुसन्धान गरी जिल्ला अदालतमा मुद्दा दर्ता गर्ने तयारी गरेको छ।
प्रहरीका अनुसार फरार रहेका रेग्मी अघिल्लो प्रतिनिधिसभा निर्वाचनमा राष्ट्रिय स्वतन्त्र पार्टी बाट स्याङ्जा–१ मा उम्मेदवार बनेका थिए। यस प्रकरणमा ऋणीका रूपमा रोशमाया गुरुङ, प्रतिमा पौडेल (लम्साल), अमृत परियार, कर्णबहादुर रानाभाट, निकिता केसी, करण चौधरी, सीता कार्की, रेमबहादुर बिक, तारा घर्ती, लिलादेवी गुरुङ, सृजना देवी रिजाल कार्की, आशा आले, रुमबहादुर मल्ल, निपेन्द्र कुमार श्रेष्ठ, बसन्त देव नापित, चन्द्रबहादुर विकलगायतलाई पनि प्रतिवादी बनाइएको प्रहरीले जनाएको छ।
