भक्तपुर । राष्ट्रिय स्वतन्त्र पार्टी अन्तर्गतको रास्वपा चाँगुनारायण नगर समिति ले आफ्नो प्रथम ऐतिहासिक नगर अधिवेशन आगामी २०८३ साल जेठ २ गते शनिबार आयोजना गर्ने भएको छ।
नगर समितिले सार्वजनिक गरेको सूचनाअनुसार अधिवेशन भक्तपुरको दुवाकोट सिटी ब्याङ्क्वेट मा बिहान ११:०० बजेदेखि सुरु हुनेछ।
समितिका अनुसार नगरको सांगठनिक सुदृढीकरण, आगामी कार्यदिशा तय गर्ने तथा पार्टीको स्थानीय संरचनालाई थप प्रभावकारी बनाउने उद्देश्यका साथ अधिवेशन आयोजना गर्न लागिएको हो। कार्यक्रममा नगरभित्रका नेता–कार्यकर्ता, शुभेच्छुक तथा सर्वसाधारणको गरिमामय उपस्थिति र सक्रिय सहभागिताका लागि हार्दिक निमन्त्रणा गरिएको छ।
यस अधिवेशनबाट ५ बर्षे कार्यकालकाे लागि नयाँ नेतृत्व पनि चयन हुने हुनाले रास्वपा चाँगुनारायण नगर समितिले अधिवेशनलाई भव्य र ऐतिहासिक बनाउने तयारी तीव्र रूपमा अघि बढाइएको जनाएको छ।
