काठमाडौं । नेपाल बैंक र बि एण्ड बि बीच स्वास्थ्य सेवा सहकार्यसम्बन्धी सम्झौता भएको छ। सम्झौताअनुसार नेपाल बैंकका ग्राहक तथा कर्मचारीहरूले अस्पतालमा उपचार गर्दा विभिन्न सेवामा विशेष छुट सुविधा प्राप्त गर्नेछन्।
सम्झौतापछि बैंकका खातावाला ग्राहक, कर्मचारी तथा उनीहरूका परिवारले अस्पतालले उपलब्ध गराउने स्वास्थ्य सेवामा सहुलियत दरमा उपचार पाउने व्यवस्था गरिएको बैंकले जनाएको छ। यसबाट सेवाग्राहीलाई गुणस्तरीय स्वास्थ्य सेवा सहज रूपमा उपलब्ध हुने विश्वास गरिएको छ।
बैंकका प्रतिनिधि र अस्पताल व्यवस्थापनबीच सम्पन्न उक्त सम्झौताले वित्तीय संस्था र स्वास्थ्य क्षेत्रबीचको सहकार्यलाई अझ मजबुत बनाउने अपेक्षा गरिएको छ। साथै, ग्राहक–मैत्री सेवा विस्तार गर्ने बैंकको योजनाअन्तर्गत यो कदमलाई महत्वपूर्ण मानिएको छ।
नेपाल बैंकले देशभर शाखा, एटीएम तथा डिजिटल सेवामार्फत लाखौं ग्राहकलाई सेवा दिँदै आएको छ भने B & B Hospital पनि आधुनिक स्वास्थ्य सेवाका लागि परिचित अस्पतालमध्ये एक हो।
