भक्तपुर । नापी कार्यालय भक्तपुरले जिल्लाभित्र रहेका सरकारी तथा सार्वजनिक जग्गाको विस्तृत विवरण सार्वजनिक गरेको छ । उक्त विवरणमा विभिन्न नगरपालिका क्षेत्रमा रहेको सार्वजनिक जग्गाको क्षेत्रफल र कित्ता नम्बरसमेत उल्लेख गरिएको छ।
प्रकाशित सूचीअनुसार भक्तपुरका २२ वटा क्षेत्र (साबिक गाविस÷नगरपालिका) मा फैलिएको सरकारी तथा सार्वजनिक जग्गाको विवरण समेटिएको छ। तीमध्ये ताथली, गुण्डु, दुवाकोट, छालिङ, चाँगुनारायण, भक्तपुर नगरपालिका लगायतका स्थान समावेश छन्। प्रत्येक क्षेत्रमा कति क्षेत्रफल सरकारी वा सार्वजनिक प्रयोजनका लागि रहेको छ भन्ने तथ्याङ्क तालिकामार्फत देखाइएको छ।
यस प्रकारको विवरण सार्वजनिक गर्नुको उद्देश्य जग्गाको अभिलेखलाई पारदर्शी बनाउने र नागरिकलाई जानकारी उपलब्ध गराउनु रहेको कार्यालयको भनाइ छ। नापी कार्यालयले नक्सा, कित्ताकाट, जग्गा एकीकरण जस्ता सेवाहरू प्रदान गर्दै आएको छ ।
पछिल्लो समय भक्तपुर क्षेत्रमा जग्गासम्बन्धी विवाद, रोक्का तथा स्वामित्व समस्याहरू पनि देखिँदै आएका छन्, जसले गर्दा यस्ता तथ्याङ्क सार्वजनिक गर्नु अझ महत्वपूर्ण भएको देखिन्छ । नापी कार्यालयले सार्वजनिक गरेको यो विवरणले सरकारी जग्गाको अवस्था स्पष्ट पार्नुका साथै भविष्यमा योजना निर्माण, व्यवस्थापन र विवाद समाधानमा सहयोग पुग्ने अपेक्षा गरिएको छ।
फाेटाेमा हेर्नुहाेस्…
