काठमाडौँ । बालेन साह नेतृत्वको सरकारले गठन गरेको मन्त्रिपरिषद् एक महिना नपुग्दै अधिकांश मन्त्रीको सचिवालयले पूर्णता पाएको छ ।
राष्ट्रिय स्वतन्त्र पार्टी (रास्वपा)का वरिष्ठ नेता साह प्रधानमन्त्री नियुक्त भएसँगै गत चैत १३ गते १५ सदस्यीय मन्त्रिपरिषद् गठन भएको थियो भने पछि थप विस्तारसँगै हाल १६ सदस्यीय मन्त्रिपरिषद् कायम भएको छ ।
प्रधानमन्त्री कार्यालय स्रोतका अनुसार सबै मन्त्रीका स्वकीय सचिव, निजी सचिव तथा व्यक्तिगत सुरक्षा अधिकृत (पिएसओ) नियुक्त भई काम सुरु गरिसकेका छन् । यद्यपि पछिल्लो समय नियुक्त भएका केही मन्त्रीको सचिवालय भने अझै पूर्ण हुन बाँकी छ ।
प्रधानमन्त्रीदेखि विभिन्न मन्त्रीको आफू स्वकीय सचिव रहेको भन्दै विभिन्न व्यक्तिले दाबी समेत गर्न थालिरहेका छन् । केही दिन अघि मात्रै मुगुको खत्याड गाउँपालिका निवासी अनिल बानियाँले बाजुराको कोल्टीमा वैशाख १ गते तथा मुगुको खत्याड क्षेत्रमा २ गते स्थापना गरिएका इलाका प्रशासन कार्यालय, मालपोत तथा नापी कार्यालयको उद्घाटन कार्यक्रममा आफूलाई गृहमन्त्री गुरुङको सल्लाहकारका रूपमा प्रस्तुत गरेका समाचार पनि सार्वजनिक भइरहेका छन् । यसले कुन मन्त्रीको स्वकीय सचिव को हो भन्ने अन्यौलता सृजना गरिरहेको छ ।
यि हुन् मन्त्रीका सचिवालयमा नियुक्त व्यक्ति (सूची)
प्रधानमन्त्री एवम् रक्षा मन्त्री बालेन साह
स्वकीय सचिव: सुवास शर्मा
निजी सचिव: प्रदीप परियार
पिएसओः दीपेश बस्याल
अर्थमन्त्री स्वर्णिम वाग्ले
स्वकीय सचिव: नवीन ढुङ्गाना
निजी सचिव: कञ्चन बस्नेत
पिएसओः अनुप ढकाल
परराष्ट्र मन्त्री शिशिर खनाल
स्वकीय सचिव: लोचन पौडेल
निजी सचिव: मधु भट्टराई
पिएसओः जङ्गबहादुर बुढाथोकी
ऊर्जा जलस्रोत तथा सिंचाईमन्त्री बिराज भक्त श्रेष्ठ
स्वकीय सचिव: सञ्जीव महर्जन, राजा शाक्य
निजी सचिव: दुर्गानारायण भुर्तेल
पिएसओः नारायण पराजुली
गृहमन्त्री सुधन गुरुङ
स्वकीय सचिव: जेम्स कार्की
निजी सचिव: परशुराम पोखरेल
पिएसओः श्रीहरि केसी
भौतिक पूर्वाधार तथा यातायात र सहरी विकास मन्त्री सुनिल लम्साल
स्वकीय सचिव: प्रतीक श्रेष्ठ, विवेक बास्तोला
निजी सचिव: सुनिता घिमिरे
पिएसओः सरोज गिरी
कानुन, न्याय तथा संसदीय मामिला मन्त्री सोविता गौतम
स्वकीय सचिव: प्रकृति न्यौपाने
निजी सचिव:प्रजु डोटेल
पिएसओ: इसा श्रेष्ठ
महिला, बालबालिका तथा ज्येष्ठ नागरिक मन्त्री सिता वादी
स्वकीय सचिव: टेकेन्द्र विश्वकर्मा
निजी सचिव: मिलन भट्टराई
पिएसओः रमन राई
सङ्घीय मामिला तथा सामान्य प्रशासन र भूमि, व्यवस्था, सहकारी तथा गरिबी निवारण मन्त्री प्रतिभा रावल
स्वकीय सचिव: अभिषेक श्रेष्ठ
निजी सचिव: राम आचार्य
पिएसओः अनुपमा भारती
स्वास्थ्य तथा जनसङ्ख्या र खानेपानी मन्त्री निशा मेहता
स्वकीय सचिव: नीरज कटुवाल
निजी सचिव: यमुना सापकोटा
पिएसओः रिता बुढाथोकी
शिक्षा, विज्ञान तथा प्रविधि र युवा तथा खेलकुद मन्त्री सस्मित पोखरेल
स्वकीय सचिव: आरजु लोहनी
निजी सचिव: विष्णु भुसाल, उषा लामिछाने
पिएसओः राजेन्द्र शर्मा
संस्कृति, पर्यटन तथा नागरिक उड्यनमन्त्री खड्गराज पौडेल
स्वकीय सचिव: सुमन गौतम
निजी सचिव: अर्जुन शर्मा
पिएसओः दिलिप चौधरी
सञ्चार सूचना तथा प्रविधि मन्त्री विक्रम तिमिल्सेना
स्वकीय सचिव: शिव थापा
निजी सचिव: राकेश गुरुङ
पिएसओः ताराकृष्ण काफ्ले
कृषि तथा पशुपन्छी विकास र वन तथा वातावरण मन्त्री गीता चौधरी
स्वकीय सचिव: युवराज भण्डारी
निजी सचिव: शिव सागर चौधरी
पिएसओः पद्मा खत्री
उद्योग, वाणिज्य तथा आपूर्ति मन्त्री गौरीकुमारी यादव
निजी सचिव: सन्ध्या सिग्देल
(अन्य पद पूर्ति हुन बाँकी)
श्रम, रोजगार तथा सामाजिक सुरक्षा मन्त्री रामजी यादव
निजी सचिव: केशर पण्डित
(अन्य पद पूर्ति हुन बाँकी)
मन्त्रिपरिषद् अझै विस्तार हुने सङ्केत
सरकारले सार्वजनिक गरेको ‘राष्ट्रिय प्रतिबद्धता’ मस्यौदामा १७ सदस्यीय मन्त्रिपरिषद् बनाउने उल्लेख भएकाले अब एक जना मन्त्री थपिने सम्भावना रहेको छ । हाल रक्षा मन्त्रालयको जिम्मेवारी प्रधानमन्त्री साहले नै सम्हालिरहेका छन् । यससँगै सरकारको प्रशासनिक संरचना विस्तार र सचिवालय व्यवस्थापनले कार्यसम्पादनमा गति दिने अपेक्षा गरिएको छ ।
