भक्तपुर । चाँगुनारायण नगरपालिकाले चालु आर्थिक वर्षमा आन्तरिक राजस्व संकलन उल्लेखनीय रूपमा बढाउँदै २१ करोड ४० लाख २० हजार ९०२ रुपैयाँ पुर्याएको जनाएको छ।
नगरपालिकाका अनुसार सम्पत्ति कर, मालपोत, व्यवसाय कर, सवारी कर, सेवा शुल्क तथा विभिन्न प्रशासनिक दस्तुरमार्फत उक्त राजस्व संकलन गरिएको हो।
तेस्रो त्रैमासिकसम्म आइपुग्दा आन्तरिक आम्दानी निरन्तर वृद्धि हुँदै गएको र लक्ष्यअनुसार प्रगति भइरहेको जनाइएको छ। यसले नगरको आर्थिक आधार थप मजबुत बन्दै गएको संकेत गरेको छ।
स्थानीय स्रोतको प्रभावकारी परिचालनसँगै विकास निर्माणका कार्यक्रमलाई अझ तीव्र र परिणाममुखी बनाउने लक्ष्य नगरपालिकाले लिएको जनाएको छ।
