काठमाडौं । सानिमा माई हाइड्रोपावर लिमिटेडको चौधौँ वार्षिक साधारणसभा भव्य तथा सभ्य रूपमा सम्पन्न भएको छ। कम्पनीले आयोजना गरेको उक्त साधारणसभामा शेयरधनीहरूको उल्लेखनीय उपस्थिति रहेको थियो भने समग्र कार्यक्रम व्यवस्थित र सफलतापूर्वक सम्पन्न भएको जनाइएको छ।
साधारणसभालाई सफल बनाउन नेतृत्वदायी भूमिका निर्वाह गर्ने अध्यक्ष खेमराज लामिछाने लगायत सम्पूर्ण सञ्चालक समिति, व्यवस्थापन टिम तथा शेयरधनीहरूको सक्रिय सहभागिता र सहयोगको प्रशंसा गरिएको छ। कार्यक्रममा कम्पनीको प्रगति, भावी योजना तथा वित्तीय अवस्थाबारे समेत छलफल गरिएको थियो।
सभामा कम्पनीको संस्थागत सुदृढीकरण, लगानी विस्तार र ऊर्जा उत्पादन क्षमताको अभिवृद्धिका विषयमा महत्वपूर्ण निर्णयहरू गरिएको बताइएको छ। यसले आगामी दिनमा कम्पनीलाई अझ प्रभावकारी रूपमा अघि बढाउन सहयोग पुग्ने अपेक्षा गरिएको छ।
यसै अवसरमा नवनियुक्त सञ्चालकहरू भरत कुमार पोखरेल र किरण कुमार श्रेष्ठलाई हार्दिक बधाई तथा स्वागत गरिएको छ। उनीहरूले आफ्नो कार्यकालमा कम्पनीको उन्नति र संस्थागत विकासमा महत्वपूर्ण योगदान पुर्याउने विश्वास व्यक्त गरिएको छ।
कार्यक्रममा सहभागी शेयरधनीहरूले कम्पनीप्रति विश्वास र प्रतिबद्धता जनाउँदै आगामी योजनाहरू सफलतापूर्वक कार्यान्वयन गर्न व्यवस्थापनलाई सहयोग गर्ने प्रतिबद्धता व्यक्त गरेका छन्। साथै कम्पनीलाई ऊर्जा क्षेत्रको अग्रणी संस्थाको रूपमा स्थापित गर्ने लक्ष्यसमेत राखिएको छ।
साधारणसभा सफलतापूर्वक सम्पन्न भएको अवसरमा सम्पूर्ण सरोकारवालाहरूबीच शुभकामना आदानप्रदान गरिएको थियो। कम्पनीले आगामी दिनमा अझ उत्कृष्ट कार्य सम्पादन गर्दै शेयरधनीहरूको हितमा काम गर्ने प्रतिबद्धता व्यक्त गर्दै ‘जय सानिमा’को नारासहित कार्यक्रम सम्पन्न भएको हो।
