काठमाडौं । स्थानीय राजनीतिक गतिविधि तीव्र बन्दै गएको अवस्थामा श्रम संस्कृति पार्टी ले देवदहमा आफ्नो सांगठनिक उपस्थितिलाई सुदृढ बनाएको छ। शनिबार आयोजित पार्टी समर्थकहरूको विशेष भेलाले जस बहादुर पुनको संयोजकत्वमा नयाँ नगर तदर्थ समिति गठन गरेको घोषणा गरेको हो।
पार्टीका जिल्ला संयोजक छविलाल गुरुङको अध्यक्षतामा सम्पन्न भेलाले देवदहको समग्र विकास र श्रम संस्कृतिको प्रवर्द्धन गर्ने उद्देश्यका साथ ३३ सदस्यीय नगर समितिको खाका तयार पारेको जनाएको छ। भेलामा सहभागीहरूले स्थानीय स्तरमै सक्रिय र जिम्मेवार राजनीतिक अभ्यास आवश्यक रहेकोमा जोड दिएका थिए।
नयाँ कार्यसमितिमा संयोजकमा जस बहादुर पुन चयन हुँदा सह–संयोजकहरूमा टेक बहादुर राना, मिना कुवर र मित्र बहादुर आले चयन भएका छन्। सचिवमा टोम बहादुर बारघरे, सह–सचिवमा सोहविर राना, कोषाध्यक्षमा सन्जय राना तथा सह–कोषाध्यक्षमा टेकमाया गुरुङ चयन भएका छन् भने केही पदहरू हाल रिक्त राखिएको छ।
त्यस्तै, सदस्यहरूमा चुनीसरा सारु, टोप बहादुर थापा (देवदह–३), कर्ण बहादुर तरामी मगर (देवदह–१०), खिम बहादुर विक (देवदह–५), समिर राना (देवदह–२), दिल बहादुर थापा (देवदह–१०), कर्ण बहादुर राना (देवदह–६) र खड्ग बहादुर सिन्जाली (देवदह–६) लगायतलाई समेटिएको छ। अन्य सदस्यहरू पछि मनोनयन गर्ने तयारी गरिएको पार्टीले जनाएको छ।
पार्टी स्रोतका अनुसार हाल केही महत्वपूर्ण पदहरूमा पछि मनोनयन गर्ने गरी ३३ सदस्यीय पूर्ण नगर समिति गठन गरिएको हो। नवगठित समितिले देवदह क्षेत्रमा श्रमको सम्मान, सामाजिक रूपान्तरण र राजनीतिक चेतना अभिवृद्धिमा सक्रिय भूमिका खेल्ने विश्वास व्यक्त गरिएको छ।
