काठमाडौं । सशक्त र जिम्मेवार प्रतिपक्ष भएको दाबी गर्दै हर्क साम्पाङले सरकारप्रति कडा सन्देश दिएका छन्। उनले आफूहरूलाई “चानचुने नठान्न” चेतावनी दिँदै जनताको आवाज उठाउने दायित्वबाट पछि नहट्ने स्पष्ट पारेका छन्। प्रतिपक्षका नेताहरूले देशको वास्तविकता बुझेका, धर्ती चिरेर अन्न उब्जाउने किसानजस्तै श्रमशील र प्रतिबद्ध शक्ति भएको उल्लेख गर्दै कुनै पनि प्रकारको दलाली स्वीकार्य नहुने बताएका छन्।
विपक्षी धारबाट आएको यो अभिव्यक्तिमा सरकारको कार्यशैलीप्रति तीव्र असन्तुष्टि झल्किएको छ। “जिब्रो चबाएर बोल्ने अनि खुट्टा कमाएर हिँड्ने” प्रवृत्तिको विरोध गर्दै उनले ढिलासुस्ती, बहाना र आलटाल गर्ने शैली अब नचल्ने चेतावनी दिएका छन्। सरकारलाई उत्तरदायी बनाउन र जनताका मुद्दा उठाउन आफूहरू दृढतापूर्वक उभिएको प्रतिपक्षले दाबी गरेको छ।
यसै क्रममा निरन्तर दबाब र संघर्षका कारण अन्ततः संसदको बैठक बोलाउन सरकार बाध्य भएको हर्ककाे भनाइ छ। उनले संसदलाई प्रभावकारी बनाउँदै जनताका समस्या समाधानमा केन्द्रित गराउन अझै सशक्त भूमिका खेल्ने प्रतिबद्धता व्यक्त गरेका छन्। आगामी दिनमा पनि सरकारलाई जवाफदेही बनाउन प्रतिपक्ष अझ कडा रूपमा प्रस्तुत हुने संकेत गरेका छन्।
