सुमन विश्वकर्मा मलेसिया । कर्मा इभेन्ट्सको आयोजनामा जोहोर बारुमा नेपाली नयाँ वर्ष २०८३ लाई स्वागत गर्न भव्य सांगीतिक कार्यक्रम आयोजना हुने भएको छ। कार्यक्रमले परदेशमा रहेका नेपालीहरूबीच नयाँ वर्षको उत्साह र उमंग झन् बढाएको छ।
कार्यक्रमको मुख्य आकर्षणका रूपमा नेपाली चलचित्रका चर्चित सुपरस्टार पल शाह सहभागी हुनेछन्। साथै गायक सागर आले, गायिका बबिना राई (किराँती), डान्सर तथा मोडल सञ्जना गुरुङ र विजय पुन लगायत कलाकारहरूले आफ्ना प्रस्तुति मार्फत दर्शकलाई मनोरञ्जन दिनेछन्।
उक्त कार्यक्रम १२ अप्रिल (आइतबार) मा Dewan Serbaguna Johor Jaya, Johor Bahru मा आयोजना हुने आयोजकले जनाएको छ। कार्यक्रमको प्रवेश शुल्क RM 80 तोकिएको छ।
आयोजकका अनुसार, कार्यक्रमको उद्देश्य परदेशमा रहेका नेपालीहरूलाई नेपाली कला, संगीत र संस्कृतिसँग जोड्दै नयाँ वर्षलाई सामूहिक रूपमा उत्सवमय वातावरणमा मनाउने रहेको छ। आयोजकले कार्यक्रममा सहभागी भई नयाँ वर्षको खुशी सँगै साट्न सम्पूर्ण नेपाली समुदायलाई आमन्त्रण समेत गरेका छन्।
